खोज

गुल्मी,जेठ ।
दैवीप्रकोपमा उत्पन्न विपदका घटनामा कसरी उद्धार गर्ने भन्ने विषयमा गुल्मीमा विपदमा उद्धार कार्यको लागि कृत्रिम अभ्यास गरिएको छ । सोमबार जिल्लाको रेसुङ्गा नगरपालिका –७ बेदुखर्कमा सुरक्षा निकाय र नेपाल रेडक्रस सोसाइटी जिल्ला शाखाको समन्वयमा विपद्मा उद्धार कार्यको प्रारम्भिक अभ्यास गरिएको हो ।
पहिरो जोखिम क्षेत्र वेदुखर्कमा नेपाली सेना, नेपाल प्रहरी र सशस्त्र प्रहरीको टोलीले विपदका घटनामा परेका हरुलाई कसरी उद्धार गर्ने भन्ने विषयमा कृत्रिम अभ्यासको माध्यमवाट नागरिकलाई डेमो प्रर्दशन गरिएको थियो । कृत्रिम अभ्यामा घर माथिबाट अचानक पहिरो खस्दा घर पुरिएपछि घाईतेहरुले चिच्याई चिच्याई गुहार मागेको, एक जना व्यक्ति घरमा पहिरोले च्याँपेर शक्त घाईते बनेको दृश्य देखाईएको थियो ।
घटनाको जानकारी पाएपछि तत्कालै नेपाली सेना, नेपाल प्रहरी सशस्त्र प्रहरी र नेपाल रेडक्रसको टोली तत्काल उद्धार कार्यमा जुटेको थियोे । घटना स्थलमा घाईतेको उद्धारका लागि सुरक्षा निकाय र रेडक्रसकर्मी खटिएका थिए । घाईतेलाई घटनास्थलबाट उद्धार गरी रेडक्रसको एम्वुलेन्समा राखेर अस्पताल तर्फ लगिएको थियो । घटना स्थलमा खटेका प्रहरीले त्यहाँ रहेका जिन्सि सामग्रीहरु सुरक्षित स्थानमा स्थानान्तरण गरेका थिए । सोही समयमा तत्काल डोजर आयो र अवरुद्ध सडक पनि सुचारु ग¥यो ।
त्यही समयमा उक्त सडकमा आजतजावत गर्ने यात्रुहरु भने विच बाटोमै रोकिएर त्यहाँको दृष्य नजिकबाट नियाली रहेका थिए । यात्रुहरुलाई भने साच्चै नै ठूलै घटना घटेछ भन्ने भान भयो । धेरै समयपछि यात्रुहरुले बल्ल थाहा पाए योे त कृतिम अध्यास गरेको रहेछ भन्ने । घटनामा देखाईए जस्तै नत त्यहाँ पहिरो खसेको थियो, नत कोही घाईते बनेका थिए नत कोही पुरिएका थिए ।
जिल्ला विपद व्यवस्थापन तथा जिल्ला सुरक्षा समितिले पहिरो गएको अबस्थामा विपदको पुर्व तयारी कसरी गर्न सकिन्छ भन्ने विषयमा विपद प्रतिकार्य सम्बन्धि कृत्रिम अभ्यास गरेको हो ।