खोज

कपिलवस्तु,  बैशाख ।- जिल्ला प्रशासन कार्यालय कपिलवस्तुले राहदानी सेवा लिने सेवाग्राहीको चाप बढे पछि बिहान ७ बजे देखी नै दुई सिफ्टमा सेवा दिने भएको छ ।
हाल कार्यालय समयमा राहदानी सेवा पाउदै आएका सेवाग्राहीले बैशाख २९ गते शुक्रबारदेखि अर्को व्यवस्था नभएसम्मका लागि बिहान ७ बजे देखी ११ बजे सम्ममा पहिलो सिफ्ट र ११ बजे देखी ६ बजेसम्म दोस्रो सिफ्टमा सेवा पाउने छन । कार्यालयले बिद्युतिय राहदानीको लाईभ ईन्ड्रोलमेन्ट थप सहज बनाउने उद्देश्यले राहदानीको अनलाईन आवेदन दर्ताको सेवालाई दैनिक चार घण्टा बृद्धि गरेको हो । त्यसै गरि प्रशासन कार्यालयले बिगतमा कार्यालय बाहिर शुल्क तिरेर गर्नु पर्ने राहदानीको अनलाईन आवेदन दर्ताको फारम भर्ने कार्य कार्यालय भित्रै व्यवस्थापन गरेको छ ।
जिल्ला प्रशासन कार्यालयले सार्वजनिक बिदाका दिन शान्ति सुरक्षा, बिपद व्यस्थापन, नागरिकता, राहदानी र राष्ट्रिय परिचयपत्रको सेवा दिदै आएको छ । शनिबार बाहेक सार्वजनिक बिदाका दिन पनि जिल्ला प्रशासन कार्यालय कपिलवस्तुबाट तोकिएको सेवा प्रवाह गर्दै आएको प्रजिअ शंकरहरी आचार्यले जानकारी दिए । राहदानीको सेवा लिन आउने सेवाग्राहीको चाप बढे सगैं बिहानै देखी दुई सिफ्टमा सेवा सञ्चालन गर्न थालिएको प्रजिअ आचार्यले प्रष्ट्याए ।