खोज

बुटवल,  बैशाख । पाठ्यक्रम विकास केन्द्रले दुई नीजि प्रकाशकको पुस्तकको स्वीकृति रद्द गरेको छ । पब्लिकेसनले कानुन विपरित पाठ्यपुस्तक छपाई तथा वितरण गरेको भन्दै केन्द्रले स्वीकृति रद्द गरेको हो । ती प्रकाशकले स्वीकृती पत्र दुरूपयोगका साथै पुराना पुस्तक समेत बिक्री गरेका थिए । बुटवल टुडे दैनिकले यही बैशाख १३ गते निजी प्रकाशकको पुस्तकः चटरमटर खाने कि स्कुलमा पढ्ने ? बिषयमा समाचार प्रकाशन गरेको थियो ।
पाठ्यक्रम तथा पाठ्यसामग्री विकास तथा वितरण निर्देशिका २०७९ को दफा ३० को उपदफा २ बमोजिम कक्षा ५ को नेपाली विषयको पाठ्यसामग्री प्रकाशन तथा बिक्रीवितरण गर्न केन्द्रबाट दिइएको स्वीकृति रद्ध गरी दुई वर्षसम्म स्वीकृति नदिने पनि केन्द्रले जनाएको छ ।

आठराई पब्लिकेसनले कक्षा ५ को १५ पाठ भएको नेपाली रसिलो नेपाली विषयको पाठ्यसामग्री शैक्षिक सत्र २०८० / ०८१ र ०८२ का लागि प्रकाशन गर्न स्वीकृति पत्र लिए पनि पुरानो पाठ्यक्रम अनुसार १८ पाठ भएको पाठ्यपुस्तक छपाई गरी विद्यालयमा विक्रिवितरण गरेको थियो । उक्त आधारमा आठराई पब्लिकेशनलाई कार्वाही गरिएको केन्द्रकी शाखा अधिकृत तारा पाण्डेले जानकारी बताइन । स्वीकृति पत्रको दुरूपयोग गरी शिक्षक, विद्यार्थी तथा अभिभावकलाई छक्काएको उनले बताइन । अन्य कक्षाको पुस्तक प्राप्त भएपछि कार्वाही प्रक्रिया अगाडी बढाउने पाठ्यक्रम विकास केन्द्रको तयारी छ ।

विक्रिवितरण गरिएका पाठ्यसामग्री समेत तत्काल फिर्ता गराउन सम्बन्धित प्रकाशकलाई निर्देशन दिइएको केन्द्रले जनाएको छ । यस्तै ओएसिस पब्लिकेसनले छापेका कक्षा ६ र ७ को वण्डर इङिलस्, कक्षा ६ र ७ को इङ्लिस् स्किल, कक्षा ४ को वण्डर इङिलस् र इङिलस् स्किल प्रयोग नगर्न नगराउन र बिक्री वितरण समेत नगराउन केन्द्रले आग्रह गरेको छ ।