खोज

बुटवल (बुटवलटुडे) बैशाख । सुरक्षित सूचना प्राविधि, सुशासन र समृद्धि’ भन्ने मुल नाराका साथ मे १ देखि मे ७ सम्म सप्ताहब्यापी रूपमा मनाइएको राष्ट्रिय सुचना तथा सञ्चार प्राविधि दिवस २०८०’ को अवसरका कम्प्युटर एसोसिएसन नेपाल (क्यान महासंघ) रूपन्देहीले बृहत रक्तदान कार्यक्रम सम्पन्न गरेको छ ।
रक्तसञ्चार सेवा केन्द्र बुटवलको प्राविधिक सहयोगमा बुटवलमा वृहत रक्तदान कार्यक्रम गरिएको क्यान महासंघ रूपन्देहीका सचिव सुरेशचन्द्र भट्टराईले जानकारी दिए । कार्यक्रममा क्यान महासंघ का निर्वतनमा केन्द्रीय अध्यक्ष नवराज कुँवरले सूचना प्रविधिको क्षेत्रमा काम गर्ने संस्थाले सामाजिक उत्तरदायित्व अभियान अन्र्तगत रक्तदान कार्यक्रम गर्नु आफैमा सकारात्मक सन्देश दिएको बताएका थिए ।
रक्तदान कार्यक्रमका संयोजक बिष्णुप्रसाद गौतमले क्यान महासंघ रूपन्देही सामाजिक उत्तरदायित्व अभियान अन्र्तगत रक्तदान कार्यक्रम गरिएको बताएका थिए ।
कार्यक्रममा क्यान महासंघ रूपन्देहीका अध्यक्ष माधव अर्यालले रक्तदान कार्यक्रममा सहभागी सबैलाई धन्यावाद दिएका थिए । राष्ट्रिय सुचना तथा संचार प्रबिधि दिवस लाई भब्यताका साथ मनाउन नेपाल सरकार ,सुचना तथा संचार प्रबिधि मन्त्रालय, नेपाल दुरसञ्चार प्राधिकरण लगायतको सहयोग रहेको छ । यसैविच क्यान महासंघ रूपन्देहीले राष्ट्रिय सूचना तथा प्रविधि दिवसको अवसरमा सप्ताहव्यापी कार्यक्रम गर्ने भएको छ । सोहीयोजना अनुसार कमला कुवरको संयोजकत्वमा यहि बैशाख २३ गते ‘वित्तीय विद्युतीय सेवाको प्रयोगमा महिलाको पहुँच ’ विषयक एक दिने अभिमुखिकरण कार्यक्रम कार्यक्रम हुने भएको छ ।