© २०२३
६ मंसिर २०८१, बिहीबार
६ मंसिर २०८१, बिहीबार
दाङ, ११ वैशाख ।
घोराही उपमहानगरपालिका–१२ की ४१ वर्षीया शारदा केसीको हत्या गरेको आरोपमा उनकै श्रीमान् ४४ वर्षीय मेघराज केसीलाई जिल्ला प्रहरी कार्यालय दाङले पक्राउ गरेको छ । घटनाबारे थप अनुसन्धान भइरहेको प्रहरीले जनाएको छ । शारदाको शव वैशाख ६ गते आफ्नै घर छेउँमै गाडिएको अवस्थामा फेला परेको थियो । तरकारी टिप्न गएको बेला छिमेकीले घर छेउँमै मलखादमा मान्छेको खुट्टा बाहिर निस्किएको देखेपछि प्रहरीलाई खबर गरेका थिए ।
मेघराज केसीलाई लुकिछिपी हिडिरहेको अवस्थामा शुक्रबार राति घोराही–४ गोग्लीबाट पक्राउ गरी अनुसन्धान थालिएको जिल्ला प्रहरी कार्यालय दाङका प्रहरी प्रमुख बिरबहादुर वलीले जानकारी दिए ।
प्रहरीले उत्खनन् गरी सडेको अवस्थामा शव निकालेर पोष्टमार्टमका लागि भेरी अस्पताल नेपालगञ्ज पठाएको थियो । राप्ती स्वास्थ्य विज्ञान प्रतिष्ठान घोराहीमा फरेन्सिक डाक्टर नभएकाले नेपालगञ्ज पठाएको र वैशाख ७ गते पोष्टमार्टम गरी परिवारले शव बुझेर अन्त्येष्टि गरिएको प्रमुख वलीले बताए । शारदा वैशाख १ गतेदेखि वेपत्ता भएकी थिइन् । शव भेटिएपछि पीडित पक्षले वैशाख ७ गते जिल्ला प्रहरी कार्यालयमा उजुरी दिएका थिए ।
© २०२३
सर्वाधिकार सुरक्षित
Design & Developed By:
