खोज

गुल्मी, २० चैत
गुल्मीको इस्मा गाउँपालिकाले एकल पुरुषलाई सामाजिक सुरक्षा भत्ता उपलब्ध गराउन थालेको छ । गाउँपालिकाले ५५ बर्ष उमेर समुह माथिका एकल पुरुषलाई सामाजिक सुरक्षा भत्ता उपलब्ध गराउन शुरु गरेको गाउँपालिका अध्यक्ष भगतसिं खड्काले बताएका छन ।
इस्मा गाउँपालकाको बार्षिक नीति तथा कार्यक्रम बमोजिम ५५ बर्ष उमेर समुह माथिका एकल पुरुषलाई सामाजिक सुरक्षा भत्ता उपलब्ध गराउने निर्णय गरे अनुसार पहिलो पटक ६९ जना त्यस्ता एकल पुरुषलाई उक्त भत्ता उपलब्ध गराईएको गाउँपालिका उपाध्यक्ष पार्वती कुँवरले जानकारी गराएकी छन ।
गाउँपालिकाले बितरण गर्न लागेको एकल पुरुषहरु मध्य सामाजिक सुरक्षा भत्ता लिनेहरुमा वडा नम्बर १ वाट १९, २ वाट १६, ३ वाट ४ जना ४ वाट १६ जना, ५ वाट ६ छ र ६ वाट ८ जना गरि कुल ६९ जना रहेका छन । उनीहरुलाई मासिक एक हजारका दरले सामाजिक सुरक्षा भत्ता उपलब्ध गराईएको प्रमुख प्रशासकीय अधिकृत धनिश्वर पौडेलले बताए ।
सरकारले एकल महिलालाई सामाजिक सुरक्षा भत्ता उपलब्ध गराउँदै आएको भएपनि एकल पुरुषहरु भने उक्त सुबिधावाट बञ्चित बनेको अबस्थामा इस्मा गाउँपालिकाले शुरु गरेको उक्त कार्यक्रमले उनीहरुमा थप राहत पुग्ने बताईएको छ । उक्त कार्यक्रमवाट त्यस्ता एकल पुरुषहरुको जीविको पार्जनमा थोरै भएपनि राहत पुग्ने भन्दै पालिकाले यस कार्यक्रमलाई निरन्तरता दिंदै जाने उपाध्यक्ष कुँवरले बताएकी छन ।
इस्मा गाउँपालिकाले शुरु गरेकोे एकल पुरुष अन्र्तगत सामाजिक सुरक्षा भत्ता लिनेमा सबैभन्दा बढि वडा नं १ का १९ जना रहेका छन । एकल पुरुषहरुको समस्यालाई मनन् गर्दै पालिकाले शुरु गरेको उक्त काम प्रति यति बेला सबैले स्रहाना गरेका छन ।