खोज

बुटवल(बुटवल टुडे) चैत ।
कम्प्युटर एशोसीयसन नेपाल(क्यान) महासंघ रुपन्देहीको आयोजनामा आफ्ना संस्थागत सदस्य हरुलाई लक्षित गरि ‘प्रमोटिङ्ग विजनेश थ्रोज डिजिटल माकेटिङ्ग’ विषयक एक दिने अभिमुखिकरण कार्यक्रम गरेको छ ।
क्यान महासंघका केन्द्रीय उपाध्यक्ष प्रमुख ध्रबराज शर्माले बोल्दै अहिलेको युग डिजिटल र प्रविधीको युग भएको कारण सोही अनुसारको योजना बनाएर लाग्नुपर्न बताएका थिए । उनले सरकारी निकायले डिजिटलाईजेसनलाई पछिल्लो समयमा वास्ता गर्न छाडेको भन्दै अव यसलाई अभियानको रुपमा अगाडी बढाउनुपर्नेमा जोड दिएका थिए ।
कार्यक्रममा महासंघका केन्द्रीय सचिव नारायण श्रेष्ठले अहिलेको युग सुहाउँदो व्यवसायमा डिजिटल प्रविधिले ठुलो योगदान रहेको भन्दै यसको समुचित उपयोग गर्न व्यवसायीहरुलाई आग्रह गरे ।
बिषयक एक दिने अभिमुखीकरण कार्यक्रमा त्रिभुवन विश्वविद्यालयका सूचना प्रविधि विभागप्रमुख, सह–प्रध्यापक रोमकान्त पाण्डेले सहजीकरण गर्दै प्रमोटिङ्ग विजनेश थ्रोज डिजिटल माकेटिङ्ग’को विषयमा प्रकाश पारेका थिए । उनले डिजिटज दुनियाँमा विभिन्न विकास भएपनि नेपाल पछाडी रहेको भन्दै यसमा सबैजनाले विशेष ख्याल गर्नुपर्ने बताएका थिए । यस्तै सोही कार्यक्रममा साईबर सेकुरेटी थ्रेटका इस्युहरुको विषयमा कम्टेक नेपालका सञ्चाल आईटी विज्ञ प्रविन कुण्डलियाले कार्यपत्र प्रस्तुत गरेका थिए ।

क्यान महासंघ रुपन्देहीका निर्वतमान अध्यक्ष रामुदेव गौतमको संयोजकत्वमा भएको क्यान प्रदेश उपाध्यक्ष नारायण खनाल ,क्यान महासंघ रुपन्देहीका अध्यक्ष माधव अर्यालय, पुर्व अध्यक्ष दुर्गाप्रसाद पाण्डे, लोकहरी पाण्डे, लगायतले भनाई राखेका थिए । कार्यक्रममा कम्प्युर प्लानेट, एच.एम् सी नेपाल प्रालि र यु सफ्ट कम्प्युटरले स्पोन्सर गरेका थिए ।
क्यान महासंघ रुपन्देहीका उपाध्यक्ष जीवन अधिकारीका अनुसार संस्थागत सदस्यहरुलाई यो कार्यक्रम आयोजना गरिएको हो ।