खोज

बुटवल(बुटवल टुडे) चैत ।
नेपाल चार्टर्ड एकाउन्टेन्ट्स संस्था बुटवल शाखाको आयोजनामा नेपाल संघीय सरकारको आर्थिक बर्ष २०८०÷०८१ को बजेट तर्जुमा गर्ने सन्दर्भमा सुझाव पेसगर्न पुर्व बजेट छलफलन कार्यक्रम गरेको छ ।
बुटवलमा आयोजना गरिएको उक्त कार्यक्रममा आयकर, मूल्य अभिवृद्धि कर, अन्तःशुल्क, भन्सार महशुल, शिक्षा सेवा शुल्क लगायत समग्र कर प्रणाली सुधारका विषयमा नीतिगत सुधार, प्रक्रियागत सरलीकरण, राजस्व चुहावट नियन्त्रण तथा अनुसन्धान, बैंक, वित्तीय संस्था, बीमा, रेमिटेन्स, पूँजी बजार आदि क्षेत्रका विषयमा सुझावहरु प्रस्तुत गरिएको थियो ।
सुझाव दिनेहरुमा आईक्यानका सदस्यहरू सिए शिवहरि शर्मा , रुपेश महेश्वरी, प्रदीप भट्टराई , सगुण खनाल,महेश घिमिरे , प्रताप कर्माचार्य रजिष्टर्ड अडिटरहरु बिष्णु ज्ञवाली , राम प्रसाद पौडेल, मधु खनाल, मुकुन्द ज्ञवाली , चेतप्रसाद बस्याल, एकाउन्टेन्ट्स टेक्नीसिएन वालकृष्ण त्रिपाठी लगायत लगायतले शुझाव दिएका थिए ।
नेपाल चार्टर्ड एकाउन्टेन्ट्स संस्था बुटवल शाखा समन्वय समितिका संयोजक सिए शिवहरि शर्माका अनसार आईक्यान फिक्सल, टेक्ेसन तथा रिसर्च कमिटीका सदस्य सिए लक्ष्मीप्रसाद लुईटेलको मुख्य सहभागीता रहेका थियो ।
आईक्यान बुटवलका शाखा कार्यालय प्रमुख किशोर पराजुलीका अनुसार कार्यक्रम र बिषयबस्तुको औचित्य माथिको प्रकाश आईक्यानका एफटिआर कमिटीका सदस्य मधुसूदन भट्टराईले पारेका थिए ।
कार्यक्रममा प्रस्तुत सुझावलाई आईक्यान बुटवल शाखा संमन्वय कमिटीका सदस्य गोबिन्द प्रसाद रेग्मी , सिए बलराम पोखरेल र योगेन्द्र बास्तोलाले टिपोट तथा सुझावलाई एकीकृत रुपमा पेश गरेका थिए ।