खोज

चन्द्रौटा(कपिलवस्तु), ६ चैत ।- भारतको चण्डिगढमा नेपाली युवतीको रहस्यमय शव फेला परेको छ । जिल्लाको बाणगङ्गा नगरपालिका वडा नम्बर–६, गणेशपुरकी युवतीको चण्डिगढ हरियणामा बिहीबार फेला परेको हो । उनको मृत्यु रहस्यमय भएको जनाइएको छ ।
पारिवारिक स्रोतका अनुसार गत २ गते बिहीबार बिहान १०ः ३० बजे खाजा खाएर नुहाउन बाथरुम गएकी चम्पा गन्धर्व झन्डै डेढ/दुई घण्टापछि शंकास्पद अवस्थामा मृत फेला परेकी थिइन् । नुहाउन गएकी उनी धेरैबेरसम्म बाहिर ननिस्कएपछि सोही घरमा काम गर्ने उनकी साथी कमलाले प्रहरीलाई खबर गरेकी थिइन् । पंचकुला स्थित प्रहरीले आफन्तजनको अनुमति बिना ढोका फोरेर हेर्दा मुखबाट रगत बगेको र घाँटीमा चुन्नीले बेरिएको अवस्थामा शव फेला परेको उनले आफै आत्महत्या गरेको भारतीय मिडियाले सार्वजनिक गरेका छन् ।

उता चण्डीगढ स्थित भारतीय एकता समाज, वेलफर सोसाइटी लगायत संघसंस्थाले घटनाको प्रकृति हेर्दा हत्या गरिएको हुन सक्ने भन्दै आशंका गरिएको छ । पीडितलाई न्याय र दोषीलाई कारवाहीको माग समेत गरेका छन् । नेपाली र स्थानीयले समेत शुक्रबार, शनिबार पंचकुला थाना घेराउ गरेका थिए ।
दुई दिनसम्म धर्ना, घेराउ पश्चात् चम्पाको शवलाई त्यहाँको नागरिक अस्पतालमा राखिएको छ । दोषीलाई प्रहरीको निगरानीमा राखिएको बताइएको छ ।
यता परिवारजनले मृतक चम्पाको हत्याको आशंकमा सत्य तथ्यको आधारमा छानबिन हुनुपर्ने माग समेत गरेका छन् । स्रोतका अनुसार पोष्टमार्डम समिति गठन गरि शवको पोष्ट मार्डम सोमबार हुने जनाइएको छ ।

चम्पा गत जेठ महिनामा रोजगारीकालागि आफ्नै कान्छी भाउजुसँग चण्डिगढ स्थित पंचकुला २ नम्बर सेक्टरमा पुगेकी चम्पाले चण्डीगढको एक चिकित्सकको घरमा रोजगारीको सिलसिलामा घरमा काम गर्दै आएको स्रोतले जनाएको छ । गणेशपुरस्थित बुवा मनिराम, आमा अमृता गन्धर्वको कोखबाट २०५६ मंसिरमा कान्छो दाजु गंगा गन्धर्व, बहिनी चम्पासँगै जन्मिएका थिए ।