खोज

बुटवल  फागुन- गुल्मी सिर्सेनि समाज रूपन्देहिले आयोजना गरेको निशुल्क स्वास्थ्य शिविरमा ६ सय बढीले सेवा लिएका छन् ।
सिमली फाउण्डेसन नेपाल प्रालिले मुख्य रुपमा प्रायोजन गरेको शिविरमा अन्य ११ वटा स्वास्थ्य संस्थाले स्वास्थ्य सामग्री सहयोग गरेका थिए ।
यसमा नेपाली सेनाको मेडिकल टोलिले समेत सहयोग गरेको समाजका अध्यक्ष भिष्म अर्यालले बताए । कार्यक्रमको ब्यवस्थापन मदाने गाँउपालिकाको कार्यालय, मदाने गाँउपालिकाका ३ नम्बर वडा कार्यालय सिर्सेनी र नेपाली सेनाको सग्राम सार्दुल गुल्म गुल्मीले गरेको थियो ।
सिमली फाउण्डेसनले सञ्चालिका स्व.लिला अर्यालको स्मृतिमा मुख्य प्रायोजन गरेको सिमलिका सञ्चालक महेन्द्र अर्यालले बताए ।
शिविरमा महिला तिन सय पचास र पुरुष दुइ सय सन्ताउन्न गरी छ सय सात जनाले स्वास्थ्य जाँच गराएका छन् । जसमध्ये जनरल फिजिसियन तर्फ ३१० जना , दन्तसेवा तिर २१० जना,आँखा सम्बन्धि १८५ जना, हाडजोर्नि तथा फिजियो थेरापि ९५ जना,भिडियो एक्सरे १८० जना र मधुमेह जाँच एकसय जनाले गराएको अध्यक्ष अर्यालले जानकारी दिए् । एकजनाले एकभन्दा धेरै सेवाहरु समेत ल्याएको उनले बताए ।
कार्यक्रममा समाजका उपाध्यक्ष ऋषि भट्टराईले समाजको उदेश्य र लक्ष्य बारे प्रष्ट पार्दै उदार वा मनकारी संघ संस्था सँग जोडिएर समाजमा सेवा तथा बिभिन्न बिषयमा सचेतना प्रवाह गर्ने अन्तिम लक्ष्य रहेको उनले प्रष्ट पारेका छन्् । कार्यक्रममा मदाने गाँउपालिकाका प्रमुख महेन्द्र बहादुर कुँवर, धुर्कोट गाँउपालिकाका प्रमुख भुपाल पोख्रेल, मदाने गाँउपालिकाकी उप–प्रमुख सरिता खड्का , पुर्व जिल्ला शिक्षा अधिकारी डबल बहादुर बिसि , नेपाली सेनाका जिल्ला प्रमुख र जिल्ला समन्वय अधिकारी लगायतको उपस्थिती रहेको थियो ।