खोज

बुटवल, १६ फागुन ।

पाँचौ राष्ट्रिय सैनामैना कृषि, पर्यटन, औधोगिक व्यापार महोत्सव २०७९ को तयारी अन्तिम चरणमा पुगेको छ । देश निर्माणमा ब्यापारको आवश्यकता, ब्यावसायिक हितसंगै सामाजिक एकता नारासहित फागुन १७ देखि २८ गतेसम्म आयोजना हुने महोत्सवको तयारी अन्तिम चरणमा पुगेको मंगलबार पत्रकार सम्मेलन गरी महोत्सव मूल समिति संयोजक सुरेन्द्र पौडेलले बताए । नगरभित्र रहेका कृषि उत्पादन, ऐतिहासिक धार्मिक महत्वका पर्यटकीय स्थलको चिनाउने लक्ष्य रहेको उनले बताए । महोत्सवमा कृषि र पर्यटनलाई जोड दिएर २०÷२० वटा स्टलको ब्यवस्थापन गरिएको उनले बताए । गौतमबुद्घ क्रिकेट रंगशाला, धार्मिक बोलबम धाम, सैनामैना संग्रहालय, रानिकुवा, राजारानी सिमसार क्षेत्र, थारु होमस्टे लगायतको प्रवर्द्धनका कार्यक्रमहरु गरिने उनले बताए ।

सैनामैना व्यापार संघको आयोजना, सैनामैना उद्योग वाणिज्य संघ सैनामैना सहआयोजक, नेपाल चेम्बर अफ कर्मशको संरक्षकत्व, पर्यटन, ग्रामिण तथा सहकारी विकास मन्त्रालय लुम्बिनी प्रदेश, रुपन्देही व्यापार संघ रुपन्देही, सैनामैना नगरपालिका प्रवद्घर्क संस्था रहेका छन । मनोरन्जनात्मक कार्यक्रम अन्तरगत दैनिक राष्ट्रिय, स्थानिय कलाकारको प्रस्तुति, लोकगित, नृत्य, नगरस्तरिय नृत्य प्रतियोगिता, ममि डान्स प्रतियोगिता हुने प्रचारप्रसार संयोजक गोबिन्द खनालले बताए ।

कृषि खाद्यान्न, लत्ताकपडा, अटोका १ सय ५० स्टलहरु राखिने महोत्सवको टिकट मूल्य ७० रुपैया, विद्यार्थीहरुलाई ५० रुपैया तथा अपाङ र अशक्त तथा ७० वर्षभन्दा माथि उमेरका लागि निःशुल्क प्रवेशको ब्यवस्था गरिएको उनले बताए ।

कार्यक्रममा सल्लाहकार सदस्य दुर्गा गौतमले नगरको पहिचान दिलाउने गरी पर्वको रुपमा मनाईदै आएको बताए । बिचार गोष्ठी, छलफल गरी स्थानीय कृषि, पर्यटन प्रवद्र्घनका विषयमा कार्यक्रम हुने उनले बताए ।