खोज

चन्द्रौटा (कपिलवस्तु), फागुन – निर्वाचनपछि अधिकांश जनप्रतिनिधि आफूले गरेका वाचा भुल्ने गरेका हुन्छन् । वाचासँगै समुदायस्तरमा विकास गर्ने प्रतिबद्धता समेत ख्याल नगरी अघि सरेका पाइन्छ । २०७९ बैशाख ३० गते स्थानीय तहको निर्वाचन सम्पन्न भएको थियो । त्यस लगत्तै पालिकाको विभिन्न तहको नेतृत्व तय भयो । त्यसैलाई मध्यनजर गर्दै विजय भएका जनप्रतिनिधिले समुदायमा गरेका वाचा पूरा गर्न कटिबद्ध भएको हुन्छन् ।

त्यसैको उदाहरण बनेका छन् टेकलाल सापकोटा । उनी कपिलवस्तु शिवराज नगरपालिका वडा नम्बर–३, का वडा अध्यक्ष हुन् । उनले यसभन्दा पहिले वडा अध्यक्ष भएर एक कार्यकाल सकाइ सकेका छन् ।
निर्वाचन पछि कार्यभार समाल्हेदेखि अब बाँकी रहेका काम गर्ने जमर्को गरेको छ । करिब १० महिनामा समुदायस्तरमा विकास निर्माण लगायतको क्षेत्रमा वडा कार्यालयले गरेको प्रतिबद्धताको अधिकांश योजना पूरा हुँदै गएको छ । भौगोलिक विविधताले नगरकै विकट क्षेत्र रहेको भएपनि वडावासीलाई विकासले सहजता प्रदान प्रदान गरेको छ ।

वडाकालागि छुट्टै एम्बुलेन्स सेवा प्रवाह गर्नुको साथै सुत्केरी महिलाहरुलाई निःशुल्क सवारी साधनको व्यवस्था गरिएको छ । वडा कार्यालयबाट टाढा रहेको सेवाग्राहीहरुको समस्यालाई मध्यनजर गर्दै बलुहवा गाउँमा सेवा केन्द्र सञ्चालनमा ल्याइएको छ ।
यस्तै कृषकहरुलाई मध्यनजर गरेर स्यालो ट्युबवेल समेत हरेक गाउँमा उपलब्ध छ । गाउँ टोलमा टोल विकास संस्था समेत गठन गरेर विकासमा टेवा पुग्नेछ । दाहसंस्कारका लागि निःशुल्क दाउरा समेत उपलब्ध गराइरहेको छ । वडाले गरेको खरको छानोमुक्त बनाउने कार्यक्रमले समेत सार्थकता पाएको स्थानीय खुसीलाल थारु बताउँछन् ।

विपन्न परिवारका जेहेन्दार विद्यार्थीलाई डाक्टर, इन्जिनियर जस्ता प्राविधिक बिषय अध्ययनका लागि एकपटक २ लाख दिने वडाको योजना छ । कृषि तरकारी तथा माछा मासु र दूध उत्पादनको आधारमा अनुदानको व्यवस्था गरिनेछ ।

यस्तै हरेक गाउँको चोकचोकमा सडक बत्ती र आवश्यक स्थानमा सिसीटिभी जडानको तयारी रहेको छ । वडाभित्र खेलमैदान बनाइनेसँगै पुरातात्त्विक पर्यटकीय संभावना रहेका ऐतिहासिक स्थलहरुलाई पर्यटकीय गन्तव्यको रुपमा संरक्षण र विकास गर्ने वडाको लक्ष्य रहेको छ ।विगतका कार्यकालमा बाँकी रहेका अधुरा योजनाहरु प्रतिबद्धता अनुसार अब जतिसक्दो छिटो नै पूरा गर्ने वडा अध्यक्ष सापकोटाले बताए । यस कार्यकालमा पनि जनता सामु जाहेर गरेको प्रतिबद्धताहरुलाई क्रमशः पूरा गर्दै जाने समेत उनले बताए । वडालाई नमुना वडा बनाउन कुनै कसर बाँकी नराख्न बताउँदै जनताका सेवामा सदैव तत्पर रहेको उनको भनाइ छ ।