© 2026
२० आश्विन २०८३, मंगलवार
२० आश्विन २०८३, मंगलवार
काठमाडौँ ।
अन्तरव्यवस्थापिका सङ्घ (आईपीयू) को १५३औँ महासभामा भाग लिन तान्जानियाको अरूसा पुगेको नेपाली प्रतिनिधिमण्डलले भोटेकोशी र त्रिशूली बाढी तथा हिमाली क्षेत्रमा जलवायु परिवर्तनका कारण बढिरहेको विपद्लाई केन्द्रित गरी जलवायु आपत्कालीन एजेन्डाका विषयमा आईपीयू सचिवालयसँग छलफल गरेको छ ।
छलफलका क्रममा जलवायुजन्य विपद्बाट प्रभावित तथा संवेदनशील क्षेत्रमा जोखिम न्यूनीकरण, विपद् पूर्वतयारी, उत्थानशीलता अभिवृद्धि तथा अन्तरराष्ट्रिय संसदीय सहकार्यलाई थप प्रभावकारी बनाउने विषयमा जोड दिइएको सभामुख डोलप्रसाद ९डीपी० अर्यालको सचिवालयले जनाएको छ ।
सम्बन्धित प्रस्तावलाई आईपीयू महासभाबाट पारित गराउन नेपालले विभिन्न सदस्य राष्ट्रसँग छलफल गरी समर्थन जुटाउने प्रयास गरिरहेको छ ।
© 2026
All rights reserved.
Design & Developed By:
