खोज

नवलपरासी, १३ माघ ।

बचत र लगानी भन्दा माथि उठेर पश्चिम नवलपरासीको सुनवल १२ भूमहिमा रहेको जनता सम्झौता बचत तथा ऋण सहकारी संस्थाले जेष्ठ नागरिकलाई घरघरमै पुगेर स्वास्थ्य सेवा प्रदान गरेको छ । सहकारीले आफ्नो कार्यक्षेत्र अन्तर्गतका शेयर सदस्यलाई स्वास्थ्य स्याहार कार्यक्रम अन्तर्गत चिकित्सक सहितको स्वास्थ्य सेवा प्रदान गरेको हो । सहकारी संस्थाले बचत र लगानी गर्ने मात्र नभई समाजिक उत्तरदायित्व पनि पूरा गर्नुपर्छ भन्ने उद्देश्यले वृद्धवृद्धालाई गाउँ गाउँमा पुगेर स्वास्थ्य सेवा दिदै न्यानो कपडा र पोषिलो खानेकुरा वितरण गरिएको सहकारीका अध्यक्ष डोलराज भण्डारीले जानकारी दिए ।

विशेषज्ञ चिकित्सक सहितको टोलीले सम्बन्धित स्थानमै पुगेर वृद्धवृद्धाको स्वास्थ्य परीक्षण गरि आवश्यक प्रयोगशाला सेवा समेत प्रदान गरेको छ । सो क्रममा अधिकांश वृद्धवृद्धामा उच्च रक्तचाप, अपच र मधुमेहको समस्या देखिएको उपाध्यक्ष भोला पराजुलीले जानकारी दिए । स्वास्थ्य परीक्षण कार्यक्रम दुई दिन चल्ने छ । घरमै परीक्षण सहितको स्वास्थ्य सेवा, न्यानो कपडा र औषधि पाएपछि वृद्धवृद्धा पनि खुशी भएका छन् ।

सो क्रममा सहकारीका संस्थापक अध्यक्ष लाल बहादुर कुँवरले वृद्धवद्धालाई औषधि, न्यानो कपडा, पोष्टिक खानेकुरा प्रदान गरेका थिए । सो क्रममा रामनगर सामुदायिक अस्पतालका जनरल फिजिसियन डाक्टर सन्तोष शर्मा सहितको स्वास्थ्य कर्मिको टोलीले सेवा प्रदान गरेको थियो । सहकारीले भोली सम्म सुनवलको ११,१२ र १३ नम्बर वडाका जेष्ठ नागरिक शेयर सदस्यको स्वास्थय जाँच गर्ने छ । जनता सहकारीमा १५ सय १० जना शेयर सदस्य आवद्ध रहेका छन् ।