Butwal Today

नक्कली रिभल्वर देखाएर रकम असुल्न खोज्ने व्यक्ति पक्राउ

बुटवल टुडे
९ श्रावण २०८३, शनिबार
अ
अ+
अ-

भैरहवा । रुपन्देहीमा आफूलाई जिल्ला प्रहरी कार्यालयको घुमुवा प्रहरी भन्दै नक्कली रिभल्वर देखाएर रकम माग्ने एक व्यक्ति पक्राउ परेका छन् ।

पक्राउ पर्नेमा सिद्धार्थनगर नगरपालिका–१३ का ४९ वर्षीय राकेश प्रताप राणा रहेका छन् । उनी हाल ओमसतिया गाउँपालिका–४ बालापुरमा कोठा भाडामा लिएर बस्दै आएका थिए ।

बजारमा आफू जिल्ला प्रहरी कार्यालय रुपन्देहीको घुमुवा प्रहरी भएको भन्दै पेस्तोल देखाएर १० हजार रुपैयाँ मागिरहेको भन्ने विशेष सूचनाका आधारमा जिल्ला प्रहरी कार्यालय रुपन्देहीबाट खटिएको प्रहरी टोलीले राणालाई शुक्रबार राती साढे ७ बजे सिद्धार्थनगर नगरपालिका–१३ स्थित शान्तिनगरबाट पक्राउ गरेको हो ।

कानुनबमोजिम खानतलासी गर्दा उनको कोठाबाट नक्कली रिभल्वर एक थान, सवारी चालक अनुमति पत्र एक थान, गाँजा ५०० ग्राम, भिभो कम्पनीको एन्ड्रोइड मोबाइल एक थान र नेपाली नगद रु.२ हजार ६ सय बरामद भएको जिल्ला प्रहरी कार्यालय रुपन्देहीका सूचना अधिकारी प्रहरी नायब उपरीक्षक कृष्णकुमार चन्दले बताए ।

चन्दका अनुसार पक्राउ परेका राणामाथि घटनाबारे थप अनुसन्धान भइरहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

कतारमा संयुक्त रूपमा ‘रमाइलो तिज विशेष–२०२६’ आयोजना हुँदै

इच्छाकामनाका ३४ परिवारलाई जग्गा धनी प्रमाणपत्र वितरण

आज हरिशयनी एकादशी: तुलसीको बिरुवा सारिँदै

रौतहटमा खुकुरी प्रहार गरी महिलाको हत्या

गोलपार्क–चिडियाखोला सडक: ठेकेदार फेरिए, सडकको नियति फेरिएन

एक वर्षमा एक हजार ८७६ मुद्दा दर्ता

दमकमा ३ सवारी एकापसमा ठोक्किँदा साइकल यात्रीको मृत्यु

कास्कीमा ‘अपरेसन ३६५’: १८ मोटरसाइकल नियन्त्रणमा