© २०२३
६ मंसिर २०८१, बिहीबार
६ मंसिर २०८१, बिहीबार
सल्यान, १ माघ ।
सल्यानमा धारिलो हतियार प्रयोग गरी मामाले ८ वर्षीय बालक (आफ्नै भान्जा) को हत्या गरेका छन् । जिल्लाको बनगाड कुपिण्डे नगरपालिका १० माझकाँडाका ३४ वर्षीय डम्बर पुरीले आफ्नै भान्जा ८ वर्षीय भिजन घर्तीको धारिलो हतियार (हँसिया) प्रयोग गरी हत्या गरेको जिल्ला प्रहरी कार्यालय सल्यानले जनाएको छ ।
आइतबार दिउँसो पुरीले आफ्नै घर आँगनमा रहेको मन्दिर भित्र लगी बालकको हत्या गरेको थाहा पाएपछि स्थानीयले प्रहरीलाई खबर गरेका थिए । हत्या गर्ने पुरीलाई नियन्त्रणमा लिइएको जिल्ला प्रहरी कार्यालय सल्यानका सूचना अधिकारी गोपाल प्रसाद श्रेष्ठले जानकारी दिए ।
स्थानीयले भने पुरी मानसिक रुपमा ठिक नभएको र विगत केही महिनादेखि औषधी सेवन गरिरहेको जनाएका छन् । पुरीको मानसिक अवस्था ठिक भए नभएको उनको स्वास्थ्य परीक्षणपछि मात्र थाहा हुने श्रेष्ठको भनाई छ । बालकको शव मन्दिर भित्र जमिन मुनी गाडेको अवस्थामा फेला परेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
