Butwal Today

देशप्रति इमानदार, आशा र विश्वासको दृष्टिकोण आवश्यक छः अध्यक्ष दाहाल

बुटवल टुडे
११ बैशाख २०८३, शुक्रबार
अ
अ+
अ-

काठमाडौँ ।  राष्ट्रियसभा अध्यक्ष नारायणप्रसाद दाहालले यति बेला देशप्रति इमानदार चिन्तन, आशा र विश्वासले भरिएको दृष्टिकोण आवश्यक रहेको बताएका छन् ।

फरक विचार र आस्था भए पनि मुलुकको समृद्धिका विषयमा साझा राष्ट्रिय चेतना जरुरी रहेको उनको धारणा छ । आज बालुवाटारस्थित गैर आवासीय नेपाली सङ्घ (एनआरएनए) ले आयोजना गरेको खेम शर्माको पुस्तक विमोचन कार्यक्रममा अध्यक्ष दाहालले देश बाहिर रहेको नेपालको ठुलो जनशक्ति केवल श्रमको जनशक्ति मात्रै नभई ज्ञान, अनुभव र राष्ट्रिय सम्भावनाको जनशक्ति पनि रहेको बताए ।

यही सन्दर्भमा गैर आवासीय नेपाली सङ्घको भूमिका अत्यन्त महत्त्वपूर्ण हुने उनको धारणा छ । “सङ्घले विश्वभर रहेका नेपालीलाई केवल सञ्जालमा बाँध्ने काम मात्र गरेको छैन, नेपाली अनुभव, क्षमता र चिन्तनलाई नेपालसँग जोड्ने सेतुको काम पनि गर्दै आएको छ”, उनले भने ।

साथै अध्यक्ष दाहालले देशबाट पलायन युवा शक्तिलाई नेपाल निर्माणमा प्रेरित गर्ने र आफ्नो सीप क्षमतालाई स्वदेशमै उपयोग गर्न सङ्घले सशक्त भूमिका निर्वाह गर्ने विश्वाससमेत व्यक्त गरे ।

उनका अनुसार राष्ट्र निर्माणमा सरकारसँगै अरू सबैको साझा दायित्व हो । जसमा राज्य, समाज, नागरिक, बुद्धिजीवी, युवापुस्ता र प्रवासी नेपाली समुदायको भूमिका महत्त्वपूर्ण हुने उनले सुनाए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

एमाले प्रमुख सचेतकमा महर

सार्क विकास प्रतिवेदनमा साझा सहमति

शान्तिका लागि साइकल यात्रा’ काठमाडौँबाट लुम्बिनीसम्म

बालमञ्चका लागि उद्घोषण र चित्रकला प्रतियोगिता

बालेन सचिवालयको हस्तक्षेपले कमजोर हुदैँ ब्यूरोक्रेसी वानटुवान हुदैँन संवाद

सूचनाको हक र साइबर सुरक्षा अभिमुखीकरण, नागरिक पहुँच सुदृढ गर्न जोड

सुरक्षाकर्मीको भूमिका प्रशंसनीय: मुख्यमन्त्री पाण्डे

आज मन्त्रिपरिषद् बैठक बस्दै