Butwal Today

पूर्वमाओवादी धारलाई एकतामा आउन दाहालको आग्रह

बुटवल टुडे
१४ माघ २०८२, बुधबार
अ
अ+
अ-

काठमाडौँ ।

नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले छरिएर रहेका पूर्वमाओवादी धारका सबैलाई एकता प्रक्रियामा आउन आग्रह गरेका छन् ।

पार्टी मुख्यालय पेरिस डाँडामा आज आयोजित नेकपा र नेकपा माओवादी (एकता पक्षधर) बिचको एकता घोषणा कार्यक्रमलाई सम्बोधन गर्दै उहाँले आत्म समीक्षा गरेर राष्ट्रिय स्वाधीनताको पक्षमा एकताबद्ध हुन सबैलाई आह्वान गरे ।

“मुलुकलाई समृद्ध बनाउन र कम्युनिस्ट आन्दोलनको रक्षाका लागि पनि एक पटक फेरि एकताद्वारा सामर्थ्यवान् बन्नुपर्ने आवश्यकता छ”, संयोजक दाहालले भने, “विभाजित अवस्थामा रहेका पूर्वमाओवादीको घर र आउनुपर्ने ठाउँ ‘यहीँ’ हो ।”

मुलुक अप्ठ्यारो परिस्थितिबाट गुज्रिरहेको उल्लेख गर्दै उनले निर्वाचनबाट परिवर्तनकारी शक्तिलाई विजयी बनाउनुपर्ने बताए ।

कार्यक्रममा नेकपा (माओवादी) को एकता पक्षधर समूहका संयोजक चिरञ्जीवी ढकालको नेतृत्वमा सो पार्टीका केन्द्रीय सदस्यसहित नेता तथा कार्यकर्ता नेकपामा समाहित भएका हुन् ।  रासस

सम्बन्धित खबर

राष्ट्रिय जनमोर्चाद्वारा चुनावी घोषणापत्र सार्वजनिक, संघीयता खारेजीको एजेन्डा

सुदूरपश्चिममा ४८१ मतदान स्थल अति संवेदनशील

काङ्ग्रेसद्वारा विभिन्न समिति बनाउन पार्टीका सबै तहलाई निर्देशन

आगामी एक वर्षभित्र ‘ग्रे लिस्ट’बाट बाहिरिने गरी काम गरौँ  : अर्थमन्त्री खनाल

राष्ट्रियसभा: शून्य समयमा समसामयिक विषयमा सरकारको ध्यानाकर्षण

रुपन्देही–२: नयाँ अनुहारसँग अनुभवी नेतृत्वको परीक्षा

सर्वोच्च अदालतले भन्यो-संसद् पुनःस्थापनको मागमा २० गते पेसी तोकिएको होइन

बर्दियामा यसरी भइरहेको छ बाघ गणना