खोज

पाल्पा, १३ पुस ।

नेपाल पुस्तक तथा स्टेसनरी ब्यवसायी महासंघ पाल्पाको अध्यक्षमा पुनः राम प्रसाद पन्थी निर्वाचित भएका छन् । शनिवार सम्पन्न जिल्लाको ८ औं अधिवेशनले दोश्रो कार्यकालका लागि पन्थीको अध्यक्षतामा १३ सदस्यीय कार्यसमिति चयन गरेको छ ।

जसको प्रथम उपाध्यक्षमा युवराज पन्त द्वितीय उपाध्यक्षमा शिव प्रसाद पाण्डे, सचिवमा बिष्णु प्रसाद खनाल, सह सचिवमा यमबहादुर कार्की, कोषाध्यक्षमा ज्योति कार्की, सहकोषाध्यक्षमा हरिबहादुर बाह्रघरे रहेका छन् । सदस्यमा संजय घर्ती, लक्ष्मण भण्डारी, संगीता भट्टराई, सुरेन बोहरा, जमुना न्यौपाने र सृजना ढकाल निर्वाचित भएको निर्बाचन संयोजक नरेशचन्द्र भट्टराईले जानकारी दिए ।

अधिवेशनले तीन सदस्यीय लेखा समिति पनि चयन गरेको छ । जसको संयोजकमा तारा बहादुर सुनारी सदस्यमा मीन प्रसाद बस्याल र सन्तोष श्रेष्ठ रहेका छन् ।

उद्घाटन समारोहका प्रमुख अतिथि नेपाल पुस्तक तथा स्टेशनरी व्यवसायी महासंघका केन्द्रिय सल्लाहकार मनहरी बस्यालले पुस्तक जीवनको जन्मदेखी मृत्युसम्मको साथी र साक्षी रहेको बताए । उनले भने जीवनलाई जीवन्तता दिन किताबले महत्वपूर्ण भूमिका खेलेको छ । निजी विद्यालयले किताब, कपि बेच्ने होहन सबै पेशाका सीमितता हुन्छन् । बस्यालले बौद्धिक उत्थानको महान साधन किताब तथा स्टेशनरी सामूहिक भावनाको व्यवसाय भएको बताए ।

नेपाल पुस्तक तथा स्टेशनरी व्यवसायी महासंघको १६ साधारणसभामा केन्द्रीय सदस्यहरु रामकृष्ण चापागाईं र रामु अधिकारीले संगठन, व्यावसायिकता र सेवा–भावनासँग व्यवसाय जोडिएको बताए । महासंघका सल्लाहकार केदारलाल श्रेष्ठ, नेपाल पत्रकार महासंघ, पाल्पाका अध्यक्ष कमलराज तिमिल्सिना, रुपन्देही जिल्ला शाखा अध्यक्ष दिपक पाठक, पाल्पा उद्योग वाणिज्य संघका अध्यक्ष शैलेन्द्र भट्टराई, नेपाल पत्रकार महासंघ, पाल्पाका उपाध्यक्ष मुक्ति न्यौपाने, प्याब्सन पाल्पा अध्यक्ष डाँसुराम पन्तले ज्ञान, शिक्षा र चेतनाको आधारशिला पुस्तक भएकोले समयमै उपलब्ध भएमा विद्यार्थीको चेतना वृद्धिमा सहयोग पुग्ने बताए ।