© २०२३
२३ मंसिर २०८२, मंगलवार
२३ मंसिर २०८२, मंगलवार
काठमान्डौ, २३ मंसिर ।
देशभरका भन्सार कार्यालय आजदेखि ठप्प भएका छन् । भन्सार ऐन संशोधनको माग गर्दै भन्सार एजेन्ट महासङ्घले आह्वान गरेको पेनडाउनका कारण सबै कार्यालयमा भन्सार जाँचपास बन्द भएपछि आयात–निर्यातसम्बन्धी समस्त काम रोकिएको हो ।
महासङ्घले केही समयअघि संसदबाट पारित भन्सार ऐनमा समेटिएका प्रावधानहरू अन्यायपूर्ण रहेको दाबी गर्दै निरन्तर सच्याउन माग गर्दै आएको थियो । लामो समयसम्मको संवाद र लबिङ प्रभावहीन भएपछि बाध्य भएर भन्सार रोक्ने निर्णय गर्नुपरेको महासङ्घले जनाएको छ ।
महासङ्घका केन्द्रीय सदस्य उमेश घिमिरेका अनुसार भन्सार ऐनमा रहेका अव्यवहारिक धारा–उपधारा, भन्सार सर्भरमा देखिने निरन्तर समस्या, तथा पेशागत हकहितका प्रश्न उठेपछि चरणबद्ध आन्दोलन अन्तर्गत पेनडाउन सुरु गरिएको हो ।
ऐनको दफा ७१९झ० मा कम्प्युटर प्रणालीमार्फत कागजात अपलोड गर्दा भूलवश भएको त्रुटिमाथि समेत जरिवाना गर्ने प्रावधानप्रति महासङ्घले कडा आपत्ति जनाएको छ ।
यसअघि सोमबार महासङ्घले वीरगञ्ज भन्सार कार्यालयमा पेनडाउन गरिसकेको थियो । माग पूरा नभएपछि आजदेखि देशभरका सबै भन्सार कार्यालयमा जाँचपास पूर्ण रूपमा रोकिएको घिमिरेले जानकारी दिए ।
© २०२३
सर्वाधिकार सुरक्षित
Design & Developed By:
