खोज

काठमान्डौ, १८ मंसिर ।

एघारौँ राष्ट्रिय महाधिवेशनको उद्घाटन सत्रमा १० हजार स्वयंसेवक परिचालन गरिने एमालेले जनाएको छ ।

स्वयंसेवक परिचालन समिति संयोजक भानुभक्त ढकालका अनुसार, उद्घाटनको खुल्ला सत्रमा उल्लेख्य सहभागिता सुनिश्चित गर्न १० हजार स्वयंसेवक परिचालन गरिनेछ भने बन्दसत्रमा करिब ५०० स्वयंसेवक खटाइनेछन् ।

एमालेको ११औँ महाधिवेशन यही मंसिर २७ गते भक्तपुरको सल्लाघारीस्थित खुल्लाचौरमा उद्घाटन र बन्दसत्र काठमाडौंको भृकुटीमण्डपमा आयोजना हुने तय भएको छ । संयोजक ढकालका अनुसार, स्वयंसेवक पार्टीका विभिन्न २४ जनसंगठन र विभिन्न कमिटीबाट खटाइनेछन् । यसका साथै, हालै गठन गरिएको राष्ट्रिय स्वयंसेवक फोर्स ९एनभीएफ० ले पनि स्वयंसेवकहरूको समन्वय गर्नेछ ।

उद्घाटन समारोहको मञ्च व्यवस्थापन, शौचालय र अन्य आवश्यक पूर्वाधार निर्माणका लागि स्वयंसेवक परिचालन भइसकेको छ । उद्घाटनको दिन पूर्वबाट आउने सवारीसाधनहरूलाई जगातीस्थित इँटा तथा टायल कारखानामा र पश्चिमबाट आउने सवारीसाधनलाई गठ्ठाघरबाट कमेरोटार क्षेत्रमा पार्किङको व्यवस्था मिलाइएको छ ।

महाधिवेशन मंसिर २७ देखि २९ गतेसम्म सञ्चालन हुने छ । एमालेका अनुसार, महाधिवेशनमा आयोजक र निर्वाचित गरी करिब २ हजार ४०० प्रतिनिधिहरूको सहभागिता रहनेछ ।