© 2026
१४ माघ २०८२, बुधबार
१४ माघ २०८२, बुधबार
गुल्मी, १६ मंसिर ।
गुल्मीमा दर्ता र अनुगमन गर्ने कार्यालयसँग नै उद्योग व्यवसायको वास्तविक तथ्याङ्क नै नरहेको पाइएको छ ।
घरेलु तथा साना उद्योग कार्यालय गुल्मीले एक सूचना जारी गर्दै जिल्लामा दर्ता र नवीकरण नगरी व्यवसाय सञ्चालन गरेमा कारबाही गरेरै छाड्ने चेतावनी दिएको समयमा कार्यालयसँग वास्तविक तथ्याङ्क नै रहेको छैन ।
घरेलु तथा साना उद्योग कार्यालय गुल्मीका कार्यालय प्रमुख राजिव अर्यालका अनुसार स्थानीय तहहरूसँग विवरण मागे पनि उपलब्ध हुन नसकेकाले यकिन गर्न समस्या भएको बताएका छन् ।
राजस्व परामर्श समितिका संयोजक तथा गुल्मी जिल्लाका प्रमुख जिल्ला अधिकारी बद्रीनाथ गैह्रेले जिल्लामा दर्ता र नवीकरण नगरी व्यवसाय दर्ता गरेको पाइएकाले १५ दिनको समय अवधि दिएको बताएका छन् । उनीहरूलाई कानुनी दायरमा ल्याउने र राजस्व पनि चुहावट भएकाले त्यसलाई नियन्त्रण गर्ने गरी आफू लागेको उनको भनाइ छ ।
१५ दिनपछि प्रभावकारी रूपमा अनुगमन गरी व्यवसाय गरेकाहरूले दर्ता र नवीकरण नगरेको पाइएमा कानुन अनुसारको कारबाही गरेरै छाड्ने उनले दाबी गरे । स्थानीय तह, घरेलु तथा साना उद्योग कार्यालयमा दर्ता भएका व्यवसाय भएकाले जिल्लामा यकिन तथ्याङ्क पनि नरहेकाले समस्या भएको छ ।
© 2026
All rights reserved.
Design & Developed By:
