खोज

बुटवल, ७ पुस
सचेत नारी, सचेत परिवार : हरेक क्षेत्रमा समान अधिकार नारासहित स्थापना भएको रेडियो मुक्ति ९५ थोप्लो ५ ले आफनो स्थापना दिवसको अवसरमा तेस्रो रेडियो मुक्ति महिला फुटसल प्रतियोगिता २०७९ शुक्रबार हुने भएको छ । सामुदायिक रेडियो, रेडियो मुक्ति ९५ थोप्ला ५ को आयोजना, बुटवल उपमहानगरपालिका, तिलोत्तमा नगरपालिका वडा नं. १ र २ को सहकार्यमा एक दिने महिला शसक्तिकरणका लागि खेल नारासहित प्रतियोगिता गर्न लागेको हो । प्रतियोगितालाई कृषि विकास बैक लिमिटेड बुटवल, सिटिजन बैक, ग्लोबल आईएमई, एभरेष्ट, शंकरनगर खानेपानी उपभोक्ता तथा सरसफाई संस्था, सिद्धबाबा मन्दिर विकास समिति, रोटरी क्लब अफ तिनाउ बुटवल, लायन्स क्लब अफ शंकरनगर बाटिका, ईनरह्लि क्लब अफ मिडटाउनको समन्वयमा गरेको छ ।
रेडियोकी अध्यक्ष दीपु पोखरेलले प्रतियोगिताको सबै तयारी पुरा भएको बताईन । वार्षिकोत्सवलाई महिला शसक्तिकरण र खेलकुद अभियानमा जोडेर मनाउने प्रचलन ३ वर्षदेखि गरेको बताईन । वर्षभरि नै आफनो काममा ब्यस्त रहने महिलाहरुलाई समेटेर खेल खेलाउदा टिम वर्कसहित मनोरन्जन हुने भन्दै फुटसल प्रतियोगिता निक्कै प्रभावकारी भएको बताईन । मानव स्वस्थ्यका लागि खेलकुद महत्वपूर्ण भएको भन्दै यसलाई जोडेर कार्यक्रम अघि बढाउन जरुरी रहेको उनले बताईन ।
रेडियोका स्टेशन म्यानेजर कल्पना तिवारीले तिलोत्तमा नगरपालिका वडा नं २ स्थित मोनालिसा फुटसल एरिनामा हुने प्रतियोगितामा रुपन्देही र पाल्पाका सहकारी, स्वस्थ्य स्वयंसेविका, आमा समुह, सामुदायिक वन, खानेपानी तथा पत्रकार क्षेत्रका महिलाहरुको १४ वटा टिमहरुले भाग लिने बताईन । प्रतियोगिताको उपाधि विजेताले नगद १२ हजार ५ सय रुपैया, कप, मेडल, प्रमाणपत्र तथा उपविजेताले नगद ६ हजार ५ रुपैया रुपैया, कप, मेडल, प्रमाणपत्रबाट पुरस्कृत गरिने उनले बताईन । प्रतियोगितामा विद्यागत रुपमा उत्कृष्ट खेलाडीहरुलाई समेत पुरस्कृत गरिने उनले बताईन । प्रतियोगिताको पहिलो संस्कारको विजेता जनउत्थान सहकारी तथा दोस्रो लुम्बिनी प्रादेशिक अस्पतालको नर्सिङ स्टाफको समुह विजेता रहेको थियो ।