खोज

मङ्सिर १ कपिलवस्तु ।

स्ट्रोमा फाउन्डेसन नेपाल र सिद्धार्थ सामाजिक विकास केन्द्रको साझेदारीमा सञ्चालन भइरहेको बिलिफ कार्यक्रम अन्तर्गत वाणगंगा नगरपालिका–९, पडरिया स्थित श्रीराम आधारभूत विद्यालयमा अध्ययनरत बाल विकास केन्द्रका ४० जना बालबालिकालाई शैक्षिक सामग्री प्रदान गरिएको छ ।

कार्यक्रमअन्तर्गत विद्यालयलाई १ थान हेल्थ डेक्स, र आवश्यक कार्यक्रम सञ्चालनलाई सहज बनाउन ट्रस निर्माण गरि सहयोग गरिएको विद्यालयका प्रधानाध्यापक ओमलाल गिरीले जानकारी दिए ।

बिलिफ कार्यक्रमका प्रबन्धक आर. टी. खानका अनुसार कार्यक्रमले विद्यालयमा निरन्तर सिर्जनात्मक तथा रचनात्मक गतिविधि सञ्चालन, शिक्षक क्षमता अभिवृद्धिका लागि तालीम, मनोसामाजिक विमर्श, विद्यालय सुधार योजना, ५ वर्षे मार्गचित्र निर्माण, विद्यालयमा आधारित २ वटा संवाद कक्षा सञ्चालन, सिकाइ आपूर्ति कक्षा सञ्चालन, लगायतका गतिविधि गर्दै आएको छ ।

उनका अनुसार वडा कार्यालय र नगरपालिकासँगको समन्वयमा समग्र समावेशी तथा गुणस्तरीय शिक्षाको प्रवर्द्धन नै कार्यक्रमको मुख्य उद्देश्य रहेको बताएका थिए ।

वाणगंगा–९ मा सन् २०२४ देखि २०२८ सम्म सञ्चालन हुने बिलिफ कार्यक्रमका गतिविधिले विद्यालयलाई थप प्रभावकारी बनाउँदै लगेको विद्यालयका शिक्षक लालमणि अधिकारीले बताउनु भएको थियो । उनले अनुसार निरन्तर गुणस्तर सुधारसँगै श्रीराम आधारभूत विद्यालय नगरकै उत्कृष्ट तथा नमुना विद्यालयको रूपमा परिचित बन्दै गएको बताए ।