© 2026
१५ माघ २०८२, बिहीबार
१५ माघ २०८२, बिहीबार
भैरहवा, १८ कार्तिक ।
रुपन्देहीको भैरहवामा रहेको निर्वाणा लक्जरी इन्टरनेसनल परिसरमा सोमबार मध्यरातमा गोली चलेको हो ।
गोली लागेर होटलका सुरक्षा गार्ड २७ वर्षीय मीनबहादुर परियार घाइते भएका छन् । उनको तिघ्रामा गोली लागेको जिल्ला प्रहरी कार्यालयका प्रवक्ता डीएसपी सुरज कार्कीले बताए । राति दुई समूहबिच झगडा हुँदा गोली चलेको उनले जानकारी दिए । घटना लगत्तै प्रहरी पुगे पनि गोलीको खोका फेला नपरेको प्रहरीको भनाइ छ ।
घाइते परियार बुटवल उपमहानगरपालिका–१५ का बासिन्दा हुन । प्रहरीका अनुसार घाइते परियारलाई राति उपचारका लागि भैरहवास्थित भीम अस्पतालमा लगिएको थियो भने अहिले उपचारपछि डिस्चार्ज भएका छन् ।
© 2026
All rights reserved.
Design & Developed By:
