© २०२३
२२ मंसिर २०८२, सोमबार
२२ मंसिर २०८२, सोमबार
काठमाडौँ ।
बबरमहलस्थित नेपाल नागरिक उड्डयन प्राधिकरण, प्रधान कार्यालयको एनेक्स भवन काठमाडौँ जिल्ला अदालतलाई दिने निर्णय गरिएको छ ।
प्राधिकरणको सञ्चालक समितिले अदालतसँग करार गरी उक्त भवन प्रदान गर्ने निर्णय गरेको महाप्रबन्धक प्रदीप अधिकारीले जानकारी दिए ।
सञ्चालक समितिको असोज ३० गते बसेको बैठकमा गरिएको निर्णयमा अध्यक्ष एवं प्रधानमन्त्री सुशीला कार्कीले आज हस्ताक्षर गरेकी हुन् ।
यससँगै अब अदालतसँग वार्ता र सम्झौता गर्न ढोका खुलेको छ ।
निर्णयमा उल्लेख छ, ‘२०८२ भदौ २३ र २४ मा भएको प्रदर्शनका क्रममा काठमाडौँ जिल्ला अदालतको भवनमा क्षति पुगेर कार्य सञ्चालनमा बाधा पुगेको । सम्माननीय सर्वोच्च अदालत तथा संस्कृति, पर्यटन तथा नागरिक उड्डयन मन्त्रालयबाट समेत उक्त भवन जिल्ला अदालत काठमाडौँलाई तत्काल उपलब्ध गराई सेवा सञ्चालनमा सहजीकरण गर्न अनुरोध गरिएको सन्दर्भमा, अर्को व्यवस्था नभएसम्मका लागि बबरमहलस्थित प्राधिकरणको मूल भवनको पूर्वतर्फको ब्लक बी भवन, काठमाडौँ जिल्ला अदालत र प्राधिकरणबीच आवश्यक सम्झौता गरी, जिल्ला अदालतलाई सेवा सञ्चालन गर्न दिने ।’
काठमाडौँ जिल्ला अदालत र सँगै रहेको प्राधिकरणको मूल भवन आजगनीका कारण क्षतिग्रस्त भएका छन् ।
© २०२३
सर्वाधिकार सुरक्षित
Design & Developed By:
