खोज

बुटवल, २ भदौ ।
लायन्स क्लब अफ बुटवल तिलोत्तमा तथा लायन्स क्लब अफ बुटवल तिलोत्तमा मायादेवीले देवदहको एक विद्यालयमा अध्ययरत विपन्न विद्यार्थीहरुलाई पोशाक वितरण गरेको छ ।

आईतबार एक कार्यक्रम गरि क्लबमार्फत देवदह नगरपालिका, घोडाहास्थित श्री सन्दीप आधारभूत विद्यालयमा अध्ययरत ६० जना बालबालिकालाई विद्यालय पोशाक वितरण गरेको हो ।
कार्यक्रममा लायन्स ईन्टरनेश्नल डिष्टिकका आईपिडिजी पुरुषोत्तम भक्त प्रधानाङ, रिजन चेयरपर्सन नवीन प्रसाद श्रेष्ठ, अध्यक्ष चिरञ्जीवी श्रेष्ठ, विद्यालयका प्रधानाध्यापक दुर्गा लाल तिवारीले विद्यार्थीहरुलाई पोशाक हस्तान्तरण गरेका थिए ।

कार्यक्रममा आईपिडिजी पुरुषोत्तम भक्त प्रधानाङले सामाजिक कार्यमा अग्रसर सन् १९१७ स्थापना भएको लायन्स क्लब इन्टरनेशनल संसारकै ठूलो सामाजिक सेवा संस्था मध्ये एक भएको दाबी गरे । विश्वभरका २०० भन्दा बढी देशमा करिब १.४ मिलियन सदस्य सक्रिय छन् ।

कार्यक्रममा क्लबका अध्यक्ष चिरञ्जीवी श्रेष्ठले शिक्षा, स्वास्थ्य, वातावरण संरक्षण, दृष्टी संरक्षण, विपद् व्यवस्थापन र सामुदायिक विकासजस्ता क्षेत्रमा लायन्सको योगदान रहेको भन्दै आफुहरु शिक्षा र स्वास्थ्यलाई प्राथमिकता दिएको बताए ।

स्थानीय स्तरमा विपन्न समुदायलाई सहयोग, स्वास्थ्य शिविर, शैक्षिक सामग्री वितरण, तालिम तथा सामाजिक सेवामा लायन्स निरन्तर भूमिका खेलिरहेका भन्दै संयोजक तिलोत्तमा लक्ष्मण प्रसाद श्रेष्ठले विगतबाट नै नियमित कार्य अन्तरगत पोशाक वितरण गरिएको बताए ।