© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौँ ।
अमेरिकामा जारी फिफा क्लब विश्वकप फुटबल प्रतियोगितामा रियल म्याड्रिड र म्यानचेस्टर सिटीले प्रभावशाली प्रदर्शन गर्दै जीत हात पारेका छन्। स्पेनिस क्लब रियल म्याड्रिडले समूह ‘एच’ अन्तर्गतको खेलमा मेक्सिकन क्लब पाचुकामाथि ३–१ को जित दर्ता गर्यो। खेलमा रियलका लागि जुड बेलिङ्हम, अर्डा गुलेर र कप्तान फेडेरिको भाल्भेर्देले गोल गरे भने पाचुकाका एलियास मोन्टिएलले एक गोल फर्काए। यो जितसँगै रियल म्याड्रिड २ खेलबाट ४ अंक जोड्दै समूहको शीर्ष स्थानमा उक्लिएको छ।
उता, समूह ‘जी’ मा इङ्लिस क्लब म्यानचेस्टर सिटीले यूएईको अल अइनमाथि ६–० को एकतर्फी जीत निकालेको छ। सिटीका पाँच फरक खेलाडीले गोल गरे, जसले टोलीलाई सिधै अन्तिम १६ मा पुर्यायो। खेलभर सिटीले दबाब कायम राख्दै विपक्षीलाई पुनः खेलमा फर्किने कुनै मौका दिएन।
समूह ‘एच’ कै अर्को खेलमा अस्ट्रियाको आरबी साल्जबर्ग र साउदी अरबको अल हिलालबीचको प्रतिस्पर्धा १–१ को बराबरीमा टुंगियो। खेल बराबरीमा सकिएसँगै दुवै टोलीले १–१ अंक बाँडेका छन्, जसले समूहको प्रतिस्पर्धा अझ रोमाञ्चक बनाएको छ।
© २०२३
सर्वाधिकार सुरक्षित
Design & Developed By:
