© २०२३
६ मंसिर २०८१, बिहीबार
६ मंसिर २०८१, बिहीबार
बुटवल, ८ मंसिर
रुपन्देहीको प्रतिनिधि सभा निर्वाचन क्षेत्र नम्बर ५ मा जित निकालेका नेकपा एमालेका वासुदेव घिमिरे तथा प्रदेशसभा १ मा विजेता एमालेकै भूमिश्वर ढकालको विजयी रयाली निकालिएको छ । सैनामैना नगरपालिका वडा नं ६ स्थित कलौनीबाट निस्किएको रयाली निर्वाचन क्षेत्रका चोकचोकमा पुगेको थियो ।
स्थानीय बासिन्दाले विजयी उम्मेदबारहरुलाई अबिर माला लगाएर भब्य स्वागत गरेका थिए । घिमिरले काँग्रेस नेता भरत कुमार शाहलाई ९ हजार ७ सय २ मतको अन्तरले हराएका हुन् । एमालेका घिमिरेले ३६ हजार ८ सय २२ मत ल्याउदा शाहले २७ हजार १ सय २० मत प्राप्त गरे । शाह यसअघिका तीनवटा निर्वाचनमा सोही क्षेत्रबाट सांसद चुनिएका थिए ।
यसैगरि रुपन्देहीको क्षेत्र नम्बर ५ को प्रदेशसभा १ मा एमालेका भूमिश्वर ढकाल अन्तिम मत परिणामसंगै १९ हजार ७८ मत ल्याएका छन् । उनका निकटतम् उम्मेदवार माओवादी केन्द्रका विनोद पहाडीले ११ हजार ३ सय ६८ मत ल्याएका थिए । जनमत पाटीका अनुरागनाथ शुक्लको ८ हजार ७ सय ३८ मत छ । ढकाल यसअघि पनि प्रदेश सभा सदस्यमा निर्वाचित भएका थिए ।
© २०२३
सर्वाधिकार सुरक्षित
Design & Developed By:
