© 2026
२८ श्रावण २०८३, बिहीबार
२८ श्रावण २०८३, बिहीबार
काठमाडौँ । नेपाल इन्भेष्टमेन्ट मेगा बैङ्क लिमिटेडका सञ्चालकहरू तथा प्रमुख कार्यकारी अधिकृतविरुद्ध काठमाडौँ जिल्ला अदालतमा अभियोग पत्र दायर भएको विषयमा नेपाल राष्ट्र बैङ्कले आफ्नो धारणा सार्वजनिक गरेको छ ।
राष्ट्र बैङ्कका अनुसार उक्त विषयमा जानकारी प्राप्त भएको र बैङ्कको सञ्चालन तथा व्यवस्थापनका सम्बन्धमा राष्ट्र बैङ्कले नजिकबाट अनुगमन गरिरहेको छ । साथै, विद्यमान कानुनी व्यवस्थाका सन्दर्भमा आवश्यक राय–सुझाव लिई छलफल भइरहेको राष्ट्र बैङ्कले जनाएको छ ।
राष्ट्र बैङ्कले बैङ्कको तरलताको अवस्था तथा वित्तीय सबलताका परिसूचकहरू तोकिएको मापदण्डअनुसार सन्तोषजनक रहेको जनाएको छ । बैङ्कको दैनिक कार्य सञ्चालनमा कुनै पनि प्रकारको जटिलता उत्पन्न हुने अवस्था नदेखिएको पनि राष्ट्र बैङ्कको स्पष्टोक्ति छ ।
जिल्ला अदालतमा मुद्दा विचाराधीन रहेको अवस्थामा विद्यमान बैङ्क सञ्चालनको दैनिक अवस्थासहित मुद्दाको प्रकृति, समयावधि र गम्भीरताका आधारमा राष्ट्र बैङ्कबाट थप छलफल तथा कानुनी राय लिइने जनाएको छ । राष्ट्र बैङ्कले कानुनबमोजिम सञ्चालक समिति, उच्च व्यवस्थापन तथा बैङ्क सञ्चालनका सम्बन्धमा आवश्यक उपाय अवलम्बन गरिने ब्यहोरा समेत जानकारी गराएको छ ।
© 2026
All rights reserved.
Design & Developed By:
