© 2026
२६ श्रावण २०८३, मंगलवार
२६ श्रावण २०८३, मंगलवार
मनिला । उष्णकटिबन्धीय चक्रवात लुइस र मेमेका साथै दक्षिणपश्चिमी क्षेत्रमा मनसुनका कारण भएको भारी वर्षाले १९ जनाको मृत्यु हुनुका साथै १५ जना घाइते भएका छन् । फिलिपिन्स सरकारले मंगलबार जनाएअनुसार चार जना अझै बेपत्ता छन् ।
फिलिपिन्स राष्ट्रिय विपद् जोखिम न्यूनीकरण तथा व्यवस्थापन परिषद् (एनडिआरआरएमसी) का अनुसार भारी वर्षाका कारण विभिन्न स्थानमा पहिरो जाँदा मानवीय क्षति भएको हो ।
एनडिआरआरएमसीका अनुसार बेङ्गुएट प्रान्तमा सबैभन्दा बढी १२ जनाको मृत्यु भएको छ । रिजालमा चार तथा बटाङ्गासमा तीन जनाको मृत्यु भएको छ ।
देशका ११ वटा क्षेत्रका करिब २२ लाख ७० हजार मानिस प्रभावित भएको एनडिआरआरएमसीले जनाएको छ । करिब ९५ हजार मानिसलाई सुरक्षित आश्रय दिन ९०० भन्दा बढी सहयोग केन्द्र स्थापना गरिएको छ ।
एनडिआरआरएमसीका अनुसार फिलिपिन्स सरकारले प्रभावितलाई सात करोड ३० लाखभन्दा बढीको सहयोग प्रदान गरिसकेको छ ।
© 2026
All rights reserved.
Design & Developed By:
