© 2026
१९ असार २०८३, शुक्रबार
१९ असार २०८३, शुक्रबार
पेसावर (पाकिस्तान) । पश्चिमी पाकिस्तानमा शुक्रबार एउटा यात्रु वाहक बस सडकबाट झरेर २० मिटर भन्दा तल खोलामा खसेर दुर्घटना हुँदा, कम्तीमा ४० जनाको मृत्यु भएको अधिकारीहरूले बताएका छन् ।
“क्वेटाबाट पेशावर जाँदै गरेको यात्रु वाहक बस पहाडी दाना सार क्षेत्रको गहिरो खोलामा खस्दा ४० जनाको मृत्यु भएको र अन्य ११ जना घाइते भएको पुष्टि भएको झोब जिल्लाको आपत्कालीन केन्द्रका प्रमुख सनाउल्लाह सेरानीले बताए ।
दुर्घटनामा घाइते भएका यात्रुहरूलाई अस्पताल लगिएको बताउँदै तीमध्ये तीन जनाको अवस्था गम्भीर रहेको सेरानीले बताएका छन् । बस करिब २१ देखि २४ मिटर खोलामा तल खसेर दुर्घटना भएको सेरानीले बताएका छन् ।
दुर्गम पहाडी क्षेत्रमा दुर्घटना भएको कारण, उद्धारमा कठिनाइहरूको सामना गर्नुपरेको उनले बताएका छन् ।
बलुचिस्तानको दक्षिणपश्चिमी प्रान्तका मुख्यमन्त्रीका प्रवक्ता शाहिद रिन्दले बस प्रान्तीय राजधानी क्वेटाबाट उत्तर–पश्चिमी खैबर पख्तुनख्वा प्रान्तको पेशावर सहरतर्फ गइरहेको अवस्थामा दुर्घटनामा परेको पुष्टि गर्नु भएको छ ।
दुर्घटनाको सूचना पाए पछि दुवै प्रान्तका उद्धार टोली घटनास्थलमा तैनाथ रहेको उनले बताएका छन् ।
पाकिस्तानमा ट्राफिक नियमको उलङ्घन, उच्च गति, र कमजोर सडक सुरक्षा मापदण्ड र लापरबाहीपूर्ण ड्राइभिङका कारण धेरै सडक दुर्घटनाहरू हुने गरेको जनाइएको छ । रासस
© 2026
All rights reserved.
Design & Developed By:
