काँक्रेविहार (सुर्खेत) । कर्णाली प्रदेश सरकारले बहु वर्षे ठेक्कामार्फत ४१ वटा झोलुङ्गे पुल निर्माण सुरु गरेको छ । तुइन तथा नदी, खोला तर्न समस्या भएको ठाउँमा कर्णाली प्रदेश सरकारले ४१ वटा पुल निर्माण गर्न बहु वर्षे सहमति दिएर कामको सुरुआत गरेको हो ।
आर्थिक वर्ष २०८२ र ८३ मा निर्माण कार्य पूरा हुने गरेर बहु वर्षे सहमति दिइएको भौतिक पूर्वाधार तथा सहरी विकास मन्त्रालयका प्रवक्ता रमेश सुवेदीले जानकारी दिए । दुई वर्षभित्र निर्माण कार्य पूरा गर्ने सीमासहित पुल निर्माणको काम सुरु भएको हो । स्रोत सहमति लिएको पाँच महिनाभित्र ठेक्का नभए योजना स्वतः रद्द हुने उल्लेख गरिएको छ ।
चालु आवमा ६३ वटा झोलुङ्गे पुल निर्माण गर्ने लक्ष्य रहेकामा हालसम्म २६ वटा मात्र निर्माण भएका छन् । आर्थिक वर्ष २०८१र८२ मा १२५ वटा झोलुङ्गे पुल निर्माण भएका थिए ।
३० बैशाख २०८३, बुधबार
