© २०२३
१२ पुष २०८२, शनिबार
१२ पुष २०८२, शनिबार
काठमाडौँ ।
कुलमान घिसिङ संरक्षक रहेको उज्यालो नेपाल पार्टीले राष्ट्रिय स्वतन्त्र पार्टी र काठमाडौँका मेयर बालेन शाहसँग बिलय हुनेगरि एकतामा नजाने निर्णय गरेको छ।
शनिबार कुलमानको उपस्थितिमा बसेको उज्यालो नेपाल पार्टीको केन्द्रीय समिति बैठकले आफ्नो अस्तित्व नै समाप्त हुनेगरि अरु पार्टीमा बिलय नहुने निर्णय गरेको हो।
‘हामी हदैसम्म लचक हुन खोज्यौँ,’ एक नेताले भने, ‘तर, उहाँहरू मिल्न नचाहेको देखियो।’
बरु, उज्यालो नेपाल पार्टीकै नेतृत्वमा चुनावमा आउन समेत सबैलाई बैठकले आह्वान गरेको छ।
‘हामीले बैकल्पिक, अग्रामी सबै शक्ति मिलेर जान आह्वान गर्ने निर्णय गर्यौँ,’ बैठकका निर्णय सुनाउँदै ती नेताले भने, ‘हाम्रै पहलमा रास्वपा लगायत सबैलाई मिलेर जाने हो भने मिल्न उज्यालो नेपाल पार्टी आह्वान गर्दछ भनेर आह्वान गरेका छौँ।’
रवि लामिछाने र बालेनप्रति लक्षित गर्दै बैठकले उज्यालो नेपाल पार्टीको नाममै चुनाव लड्न आए पार्टी सभापति र प्रधानमन्त्री पनि छोड्न तयार रहेको अर्का नेताले बताए।
‘उज्यालो नेपाल पार्टीमै आएर चुनाव लड्ने हो भने हामी सभापति र प्रधानमन्त्री पनि छोड्न तयार छौँ,’ उनले भने।
© २०२३
सर्वाधिकार सुरक्षित
Design & Developed By:
