© 2026
१९ फाल्गुन २०८२, मंगलवार
१९ फाल्गुन २०८२, मंगलवार
काठमाडौँ ।
महाधिवेशन अनिश्चित बन्दै गएपछि आक्रोशित बनेका विशेष महाधिवेशन पक्षधर कांग्रेस नेता शंकर तिवारीले कार्यकर्तालाई काठमाडौं आएर केन्द्रीय कार्यालय घेर्न आह्वान गरेका छन् ।
विशेष महाधिवेशनका लागि हस्ताक्षर गरेका पार्टीका कार्यकर्ताले पार्टीको अकर्मण्य चरित्र र पार्टीलाई यथास्थितिमा राख्ने प्रपञ्च सहन नसक्ने तिवारीले प्रेस नोटमार्फत बताएका छन् । उनले भने, “रकेट गतिको महाधिवेशन कार्यकतालिकामा विश्वास गर्नु कार्यकर्ताको महाभुल थियो ।
अब त्यो भूलभुलैयाबाट बाहिर निस्कनु पर्छ । कार्यकर्ता, विशेष गरी महाधिवेशनका लागि हस्ताक्षर गरेका नेता तथा कार्यकर्ताले केन्द्रीय कार्यालय घेर्न काठमाडौं आउनुपर्छ ।”
भदौ २३ र २४ को जेनजी विद्रोहपछि नेपाली कांग्रेसको केन्द्रीय कार्यसमिति बैठकले पुस २६–२८ का लागि केन्द्रीय महाधिवेशनको मिति तय गरेको थियो । त्यही क्रममा महामन्त्री गगन थापाको आह्वानमा विशेष महाधिवेशन माग गर्दै ५५ प्रतिशत महाधिवेशन प्रतिनिधिले हस्ताक्षर गरेका थिए ।
नियमित महाधिवेशन नभए ५५ प्रतिशत विशेष महाधिवेशन पक्षधरको माग के हुन्छ भन्ने विषयमा पार्टी प्रवक्ता डा. प्रकाश शरण महतले पूर्व घोषित समयमा महाधिवेशन नहुने प्रस्ट पारिसकेका छन् । यही सन्दर्भमा शुक्रबार नेता एवं लेखक तिवारीको प्रेस नोट आएको हो ।
© 2026
All rights reserved.
Design & Developed By:
