Butwal Today

राष्ट्रपतिले बोलाए ३ दलका शीर्ष नेतृत्वलाई छलफलमा

बुटवल टुडे
८ पुष २०८२, मंगलवार
अ
अ+
अ-

काठमाडौँ ।

राष्ट्रपति रामचन्द्र पौडेलले तीन दलका शीर्ष नेतृत्वलाई छलफलका लागि बोलाएका छन् ।

राष्ट्रपति पौडेलले मंगलबार नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’लाई छलफलमा आमन्त्रण गरेका हुन् ।

राष्ट्रपति कार्यालयले सुरुमा देउवा र ओलीलाई मात्रै बोलाइएको जानकारी दिएको भए पनि पछि तीनै नेता सहभागी हुने तय भएको जनाएको छ ।

छलफल मंगलबार दिउँसो ३ बजे राष्ट्रपति कार्यालय शीतलनिवासमा हुनेछ । फागुन २१ गतेका लागि तोकिएको प्रतिनिधिसभा निर्वाचन तथा सरकारले सिफारिस गरेको निर्वाचनसम्बन्धी कानुन संशोधनका विषयमा भेटका क्रममा छलफल हुने बताइएको छ ।

चुनावको भविष्यलाई लिएर विभिन्न आशङ्का उत्पन्न भइरहेका बेला तीन दलका शीर्ष नेतृत्व र राष्ट्रपतिबीच हुन लागेको यस भेटवार्तालाई अर्थपूर्ण रूपमा हेरिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

चुनावमा पनि इन्धन नियमित हुन्छ : आयल निगम

मर्चवारः जहाँ मतदाताले मत परिवर्तन गरिरहन्छन्‌

मतदान स्थलमा खटिए पाल्पाका मतदान अधिकृत

‘मौन अवधि’ के हो ? मौन अवधि उल्लङ्घन भए के कारबाही हुन्छ ?

इरानको आक्रमणबाट गोरखा बोर्लाङका दिवस श्रेष्ठको दुबईमा मृत्यु

मङ्गलबार ग्रस्तोदितखण्डग्रास चन्द्रग्रहण

आगलागीका घटनामा वृद्धि, सावधानी अपनाउन प्राधिकरणको आग्रह

सार्वजनिक बिदाका दिन बैङ्किङ सेवा उपलब्ध गराउन निर्देशन