© 2026
१४ माघ २०८२, बुधबार
१४ माघ २०८२, बुधबार
गुल्मी, २३ कात्तिक ।
रेसुङ्गा नगरपालिकाले घरमा कुकुर पाल्न अनिवार्य रूपमा दर्ता गर्नुपर्ने बताएपछि दर्ता भएका घरपालुवा कुकुर हालसम्म पनि नवीकरण भएका छैनन् ।
पशु विकास शाखाका अनुसार गत आर्थिक वर्षमा ४७ वटा घरपालुवा कुकुरहरू दर्ता भएको भए पनि हालसम्म कुनै कुकुर नवीकरण भएका छैनन् ।
नवीकरण गर्नका लागि आग्रह गर्दै आए पनि नवीकरण हुन नसकेको र थप सूचना जारी गर्ने गरी आफूहरू लागेको पशु विकास शाखाका हिक्मत सिंह महराले जानकारी दिए ।
घरपालुवा कुकुर दर्ताका लागि नगरपालिकाले तीन सय रुपियाँ र नवीकरणका लागि एक सय रुपियाँ शुल्क निर्धारण गरेको छ ।
यसका साथै गत आर्थिक वर्षमा नगरपालिकाले १०७ कुकुरको स्थायी बन्ध्याकरण गरेको र पुस वा माघ महिनामा पनि स्थायी बन्ध्याकरण गर्ने गरी योजना बनाएको पशु विकास शाखाले जनाएको छ ।
© 2026
All rights reserved.
Design & Developed By:
