© २०२३
२९ मंसिर २०८२, सोमबार
२९ मंसिर २०८२, सोमबार
भैरहवा, ८ असोज ।
लुम्बिनीका युवा अभियानकर्ता अर्जुन कुर्मी र भारतका केन्द्रीय वित्त राज्यमन्त्री पङ्कज चौधरी बिच भारतको राजधानी दिल्लीमा विशेष भेटघाट भएको छ । यस भेटमा दुवैले भारत र नेपालबिचको सम्बन्धलाई थप सुदृढ बनाउने विषयमा छलफल गरेका छन् ।
कुर्मीले मन्त्री चौधरीसँग लुम्बिनीको समग्र विकासका लागि दुई देशबिचको साझेदारीलाई अझ बलियो बनाउनुपर्नेमा जोड दिए । उनले लुम्बिनीको धार्मिक र सांस्कृतिक महत्वलाई अझ बढाउन दुई देशले मिलेर काम गर्नुपर्ने बताए ।
यस भेटघाटमा कुर्मीले मन्त्री चौधरीलाई लुम्बिनी भ्रमणका लागि निमन्त्रणा दिएका छन् । यसका साथै, लुम्बिनी-ककरहवा सीमा नाकामा अध्यागमन (इमिग्रेसन) सुविधा सुरु गर्न पनि आग्रह गरिएको छ । यसले दुवै देशका धार्मिक पर्यटकलाई आवागमनमा सहजता प्रदान गर्ने र आपसी सम्बन्धलाई अझ प्रगाढ बनाउने विश्वास व्यक्त गरिएको छ ।
भेटघाटलाई सकारात्मक रूपमा लिँदै मन्त्री चौधरीले लुम्बिनीको विकासमा भारतको सहयोग आश्वासन दिएका छन् । उनले निकट भविष्यमा लुम्बिनीको भ्रमण गर्ने प्रतिवद्दता पनि व्यक्त गरेका छन् ।
© २०२३
सर्वाधिकार सुरक्षित
Design & Developed By:
