© २०२३
२१ मंसिर २०८२, आइतबार
२१ मंसिर २०८२, आइतबार
भैरहवा, ३ असोज ।
रुपन्देहीको भैरहवामा खोलामा पौडी खेल्ने क्रममा डुबेर बिहीबार एक जना बालकको मृत्यु भएको छ ।
मृत्यु हुनेमा ओमसतिया गाउँपालिका वडा नम्बर ५ बस्ने १५ वर्षीय श्यामु गुप्ता रहेको प्रहरीले जनाएको छ । बिहीबार सिद्धार्थनगर नगर पालिका वडा नम्बर ९ गोनहियामा रहेको ड्याममा पौडी खेल्न गएका बालक करिब साढे ३ बजे डुबेका थिए ।
जिल्ला प्रहरी कार्यालय रुपन्देहीका सूचना अधिकारी सुरज कार्कीका अनुसार सोही दिन अबेर खबर भएकोले उद्धार र खोजी कार्य सम्भव नभएको हुँदा शुक्रबार बिहानै देखि खोजी सुरु गरिएको थियो ।
सुरुमा वडा प्रहरी कार्यालय भैरहवा र स्थानीयहरूको संयुक्त टोलीले खोजी गरे पनि बेपत्ता बालकको भेटिएनन् । पछि सशस्त्र प्रहरी बल सीमा सुरक्षा कार्यालय २७ नम्बर गणका सशस्त्र प्रहरी निरीक्षक खड्क केसीको नेतृत्वमा खटिएको १० जनाको विपद् व्यवस्थापन टोलीले बालकलाई खोलाबाट मृत अवस्थामा फेला पारेको थियो ।
मृतक बालकको शवलाई पोस्टमार्टमको लागि भैरहवाको भीम अस्पतालमा पठाई यसबारे थप अनुसन्धान भइरहेको सूचना अधिकारी कार्कीले जानकारी दिए ।
© २०२३
सर्वाधिकार सुरक्षित
Design & Developed By:
