खोज

भैरहवा, १ असोज ।

विश्वकर्मा मन्दिर व्यवस्थापन समितिले यस वर्ष विश्वकर्मा पूजा सामान्य तरिकाले मनाएको छ । राष्ट्रिय शोक भएको अवस्थामा कुनै तामझाम र औपचारिक कार्यक्रम नगरी साधारण तरिकाले पूजा सम्पन्न गरिएको आयोजकले बताए ।

यस वर्ष कुनै पनि औपचारिक कार्यक्रम आयोजना नगरी परम्परागत पूजा मात्र गरिएको समितिका अध्यक्ष रामकिशुन विश्वकर्माले बताए ।

समितिले सरकारी एवम् स्थानीय निकाय, स्थानीय व्यवसायी र भक्तजनहरूको सहयोगमा मन्दिरमा पूजाआजा गरेको हो । पूजाका लागि आवश्यक सरसफाइको काम भने विश्वकर्मा युवा समाजले गरेको थियो  ।

२०२२ सालमा स्थापना भएको विश्वकर्मा मन्दिर यस क्षेत्रमा एक मात्र विश्वकर्मा मन्दिरको रूपमा रहेको छ । प्रत्येक वर्ष विश्वकर्मा पूजाको दिन पूजा गर्दै आएको छ ।

२०४२ सालमा पुनर्निर्माण गरिएको व्यवस्थित गरिएको मन्दिरमा विश्वकर्मा मन्दिर व्यवस्थापन समिति गठन समेत गरिएको छ । समितिका अन्य पदाधिकारीहरूमा उपाध्यक्ष ध्रुव लामगादे, सचिव राजन विश्वकर्मा, कोषाध्यक्ष गणेश विश्वकर्मा, सदस्यहरूमा मोहन बिक, सुनिल सेन्चुरी, विमल सेन्चुरी, बिनोद बिक, गणेश रसाइली, अमन लामगादे र दिपक कौशल रहेका छन् ।

त्यस्तै, समितिलाई प्रेम कुमार सेन्चुरी, राजु विश्वकर्मा, किस्मत विश्वकर्मा र डम्बर रामदामले सल्लाहकारको रूपमा सहयोग गर्दै आएका छन् ।