खोज

भैरहवा, २५ भदौ ।

जेन जी आन्दोलनको क्रममा भरतपुरको कारागारबाट भागेका ४ जना कैदी सुनौलीमा पक्राउ परेको छन् । भारतीय सीमा सुरक्षा बल (एसएसबी) ले उनिहरुलाई पक्राउ गरेको हो । पक्राउ परेका चारै जना भारतीय मूलका रहेको बुझिएको छ ।
यसरी पक्राउ पर्नेमा गाँजा तस्करीको आरोपमा कारागारमा रहेका भारत, उत्तर प्रदेश संभल जिल्लाका अनिल गिरी, संभल जिल्लाकै राजपाल सिहं रहेका छन् । यसै गरि दुर्घटना गराएको आरोपमा कारागारमा रहेका भारत, उत्तर प्रदेश बाराबांकी जिल्लाका मोनू कश्यप र हरियाण जिल्लाका अब्बास खान रहेका छन् ।

एसएसबीले उनिहरु नेपालको कारागारबाट भागे पनि भारत तर्फ उनिहरुको कुनै कुनै अपराधिक रेकर्ड नरहेको भन्दै नेपाली सुरक्षाकर्मीलाई हस्ताण्तरण गर्न आनाकानी गरिरहेको छ । जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक सुरज कार्कीले साझ साढे ५ बजे सम्म पनि एसएसबीले उनिहरुलाई हस्ताण्तरण नगरेको जानकारी दिए । “उनिहरुको भारतमा कुनै अपराधिक रेकर्ड देखिएको छैन भन्दै एसएसबीले हस्ताण्तरण गर्न ढिलाई गरिरहेको छ ।” उनले भने “एसएसबीले माथीको आदेश आएपछि मात्र नेपाली पक्षलाई हस्ताण्तरण गर्ने भनेकोले हामी पनि माथीकै आदेश कुरीरहेका छौं ।”

दिनभर स्थिर भैरहवा

मंगलबार आन्दोलनको कारण पूर्ण रुपमा तनावग्रस्त रहेको भैरहवा बुधबार विहानै देखि भने स्थिर रह्यो । विहानै देखि नेपाली सेनाको गस्तीको कारण समाचार तयार पार्द सम्म कुनै पनि अप्रिय घटना घटेको थिएन ।
यद्दपी मंगलबारको आन्दोलनमा जलेका सरकारी संरचना, जनप्रतिनिधिहरुको घर लुटपाट भएका व्यपारीक प्रतिष्ठानहरुमा भने सन्नाटा देखिएको छ ।

मंगलबार आन्दोलनकारीहरुले गौतमबुद्ध अन्र्तराष्ट्रिय विमानस्थलका सरकारी नम्बर प्लेटका गाडीहरु संगै नेपाली कांग्रेसका पार्टी कार्यालय, रुपन्देही जिल्ला अदालत, जिल्ला सरकारी वकिलको कार्यालय, आन्तरिक राजस्व कार्यालय रुपन्देही, सिद्धार्थनगरपलिकाको कार्यालय, रुपन्देही जिल्ला अदालत, जिल्ला ट्राफिक कार्यालय, भैरहवा भन्सार कार्यालय, नेपाल विद्युत प्राधिकरण, सिद्धार्थनगर नगर पालिकाका प्रमुख ईस्तियाक अहमद खाँन, उप प्रमुख उमा अधिकारी, प्रदेश खेलकुद मन्त्री सन्तोष कुमार पाण्डे, सांसद सर्वेन्द्रनाथ शुक्ल, राष्ट्रिय प्रजातन्त्र पार्टीको कार्यालयमा राखिएको गाडी, पार्टीका जिल्ला अध्यक्ष सागरप्रताप राणको घरमा आगजनी गरि ध्वस्त बनाई दिएका छन् ।

यसै गरि भैरहवा स्थित भाटभटेनी, होटेल मौर्या, रेडसन होटल लगायतमा अराजक समूहले लूटपाट समेत गरेको थियो ।