खोज

भैरहवा, २६ साउन ।

थाइल्यान्डमा सम्पन्न भएको आठौँ हिरोज अन्तर्राष्ट्रिय तेक्वान्दो च्याम्पियनसिपमा नेपालले शानदार प्रदर्शन गरेको छ। यस प्रतियोगितामा नेपालको प्रतिनिधित्व गर्दै रूपन्देहीका दुई प्रतिभाशाली खेलाडी रियाशा यादव र अन्शिका यादवले सफलता प्राप्त गरेका छन् ।

प्रतियोगितामा रियाशाले दुई विधामा पदक जित्न सफल भइन्। उनले गेरोगी – विधाको ४४ केजीमुनि तौल समूहमा रजत पदक जितेकी छन्। यसै गरी, १२ देखि १४ वर्ष उमेर समूहको पुम्से विधामा उनले कास्य पदक हात पारिन् ।

त्यसै गरी, अर्की खेलाडी अन्शिकाले पनि उत्कृष्ट प्रदर्शन गर्दै १७ वर्षमुनि पुम्से विधामा रजत पदक जितिन् जितेको प्रशिक्षक राकेश यादवले जानकारी दिए । प्रतियोगितामा २७ राष्ट्रका ३ सय बढी खेलाडीहरूको सहभागिता रहेको उनले बताए । “यस्ता अन्तर्राष्ट्रिय प्रतियोगितामा नेपाली खेलाडीहरूको सफलताले भविष्यमा अन्य युवा खेलाडीहरूलाई पनि तेक्वान्दो खेलमा लाग्न प्रोत्साहन मिल्नेछ।”

प्रशिक्षक यादवले भने “रियाशा र अन्शिकाको यो जीतले नेपालको राष्ट्रिय गौरव बढाएको छ र अन्तर्राष्ट्रिय मञ्चमा नेपाली तेक्वान्दोको पहिचानलाई थप उचाइमा पु¥याएको छ।”
विजयी दुबै जना खेलाडी भैरहवामा रहेको क्रिएटिभ तेक्वान्दो डोजाङमा नियमित रूपमा प्रशिक्षण लिइरहेका छन्। उनीहरूको यो सफलतामा डोजाङको प्रशिक्षण र व्यवस्थापनको महत्त्वपूर्ण भूमिका रहेको छ ।