खोज

बुटवल, ०५ जेठ ।
भैरहवाकी आस्था बुढाप्रीती आज भन्दा डेढ बर्ष पहिला बिरामी भइन् । बुटवलको लुम्बिनी वाणिज्य क्याम्पसमा स्नातकमा भर्ना भएकी उनी क्याम्पस जान नसक्ने अवस्थामा घरमा नै बसेकी थिइन् । घरमा बस्दै गर्दा उनमा एउटा एउटा सोँच आयो ‘बिरामी हुँदा थप तनाव पनि नहुने माईन्ड डाईभर्ट पनि हुने, यसो बुनाइको काम सिकौं ।’ घरमा पहिलादेखि नै सिलाई बुनाईको काम भएपनि उनले उनीको धागोबाट कपडा, बुन्ने गरेकी भने थिइनन् ।

विभिन्न सोसल मिडिया हेर्दै उनले उनको धागोबाट विभिन्न सजावटका सामग्रीहरू, प्रयोग गर्न मिल्ने सामान, कि रिङ्ग, डल लगायत बनाउन थालिन्, आफैले बनाएका सामग्रीहरू उनिले सामाजिक सञ्जालमा समेत राख्दै गईन् । विभिन्न स्थानबाट माग समेत आउन थाल्यो । विरामी निको भएपनि उनि बुटवलमा बस्न थालिन्, तर उनलाई उद्यमी बन्ने ‘लतले छाडेको’ थिएन् ।

नेपाली कटन धागोलाई हातले बुनेर उनले विभिन्न सजावटका, सौन्दर्यका साथै महिलाले प्रयोग गर्न मिल्ने कपडा (ब्रा) पनि उत्पादन गर्न थालिन् । बुटवलको लुम्बिी बाणिज्य क्याम्पसमा अहिले स्नातक तह दोस्रो समेष्टरमा अध्ययन गर्दै गरेकी उनले विद्यार्थी उमेर देखि नै ‘उद्यमी यात्रा’ सुरुवात गरेकी छिन् ।

कालिका मानवज्ञान मावि बाट कक्षा १२ सकेर उनि लुम्बिनी बाणिज्यमा अध्ययन सुरुवात गर्दै गर्दा उनले विद्यालय समय बाहेक अन्य समयमा ती सामग्री बनाउनको लागि लागिपरेकी हुन्छिन् । उनी भन्छिन्–‘विरामी भए, बिरामीले मलाई उद्यमी बनायो ।’ पहिला सौखको रूपमा बनाएकी उनले पछिल्लो समयमा विजेनश मुड आएको छ । कटनको धागोको बनाएको, ब्याग, कस्टम, कि रिङ्ग, डल, खेलानाका अन्य सामग्रीहरू समेत उनले बनाएकी छिन् । हातबाट बनेका सामग्रीहरू विभिन्न स्थानबाट अर्डर समेत आउने गरेका छन् ।

बुटवलका विभिन्न स्थानबाट उनले आफुलाई चाहिने सामग्रीहरू खरिद गर्दछन्, अन्य अलि बढी मात्रामा चाहिएमा उनले धागो थोकमा भैरहवाबाट नै खरिद गर्दै आएकी छिन् ।हरेक महिनाको शनिबार विहान लाग्ने बुटवलको ‘खस्यौली बजारमा’ पनि उनले आफ्ना उत्पादन बिक्रीका लागि लैजाने गरेकी छिन् । स्वदेशमा उत्पादन भएको युवा विद्यार्थी उद्यमीले उत्पादन गरेका सजावटका सामाग्रीहरू सहित अन्य कस्टम सहित कि रिङ्ग उपभोक्ताको रोजाईंमा पर्ने गरेको उनको भनाई छ । आफूले उत्पादन गरेका सामग्रीहरू उनले क्याम्पसमा आयोजना हुने विभिन्न कार्यक्रममा समेत विक्रिका लागि राख्र्दै आएकी छिन् ।

डेढ बर्ष अघिबाट सुरुवात गरिएको उनको यो ह्यान्डीक्राप्ट उद्यमीको यात्रा यत्तीकै रोकीनेवाला छैन । उनी भन्छन्–‘यसलाई अझ एक्सप्लान गरी बृहत बनाउने, थप ईम्प्लोई पनि थप्ने योजना छ । ’ परिक्षाको समयमा यो काम राक्ने र अन्य समयमा भने उनिले क्याम्पस समय भन्दा अन्य बचेको समयमा भने कार्य गर्दै आएको बताउँछिन् । ‘विद्यार्थीहो समय व्यवस्थापनमा केही समस्या त हुन्छ तर म म्यानेज गरिरहेको छु ।’ आस्थाको भनाई छ । आफ्नो उमेरका अन्य साथीहरूले खाली समय यत्तीकै व्ययतीत गरेको आफुले देखेको भन्दै उने तर यसको लागि आफूले भने केही नयाँ काम गर्नको लागि यो काम अगाडी बढाएको बताउँछन् ।

उद्यमी सुरुवात गरेको धेरै नभएको भन्दै उनले महिनामा ५० हजार रूपैयाँ जति आम्दानी गर्दै आएको बताईन् । उनिले भनिन्–‘भखरै मात्रै सुरुवात गरेको खासमा धेरै आम्दानी छैन, अझै काम बढाउँदै छु, ५० हजार भन्दा बढी होला, अब ।’ परिवारबाट समेत पूर्ण साथ पाएको कारण आफ्नो ‘विजेनश आईडीया’ लाई अझ विस्तारको लागि योजना समेत बनाएको उनको भनाई छ ।