खोज

गुल्मी २८ वैशाख ।

गुल्मीमा नयाँ भन्दा प्रतिलिपि नागरिकता बनाउने बढी रहेका छन् । गत आइतबारदेखि शुक्रबारसम्म प्रशासनको अभिलेख अनुसार १ सय ६६ जनाले नयाँ नागरिकता बनाउँदा १ सय ८६ जनाले प्रतिलिपि बनाएका छन् । जिल्ला प्रशासन कार्यालय गुल्मीका सहायक प्रमुख जिल्ला अधिकारी हरिप्रसाद गैरेका अनुसार एक हप्ताको समय अवधिमा नयाँ भन्दा प्रतिलिपि नागरिकता बनाउने बढी रहेको बताए । नागरिकहरुले नागरिकतालाई माया नगर्ने, जथाभावी फयाक्ने र सानातीना गल्तीहरु भएका कारण पनि प्रतिलिपि बनाउनेहरु बढेको उनको भनाइ छ । यस्तै पछिल्लो समयमा राष्ट्रिय परिचयपत्रका लागि अनिवार्य रुपमा नागरिकता आवश्यक पर्ने हुँदा टोलीमा नागरिकता बनाएकाहरुमा श्रीमान श्रीमती र बाबु आमाको नाम नमिल्ने कारण पनि अर्को रहेको गैरेले बताए ।

सोही समय अवधिमा नावलक परिचयपत्र २४, राहदानी आवेदन सङकलन २ सय ३१, राहदानी वितरण २ सय ७६, राष्ट्रिय परिचयपत्रका लागि आवेदन ५सय २०, परिचयपत्र वितरण ५सय १४, संस्था दर्ता तथा नविकरण एक र ५६ दलित, जनजाति, पारिवारिक विवरण तथा अन्य प्रमाणित भएको गैरेल बताए । एक हप्ताको समयमा राहदानीबाट १२ लाख २५ हजार र संस्था दर्ता तथा नविकरणबाट २३ हजार २ सय ५० गरी कुल १२ लाख ४८ हजार २ सय ५० राजस्व सङकलन भएको जिल्ला प्रशासन कार्यालय गुल्मीले जनाएको छ ।