खोज

बुटवल, ०३ चैत ।
‘सभामुख महोदय, बुटवलमा एउटा रिक्सा चालकले दुई वटा बिल बुक बोक्ने कहिले सम्म ? दोहोरो कर कोमारमा बर्षाैंदेखि अटो रिक्सा चालक भैरहेका छन्, यिनीहरूको विषयमा सरकार कहिले बोल्छ ? मलाई जवाफ चाहियो । रूपन्देहीबाट जननिर्वाचित सांसाद ईन्दिरा न्यौपानेले अटोरिक्सा चाकलको पिडा बोलिरहँदा सत्ता पक्षका सांसदले टेवल ठटाएर सर्मथन गरे ।

अर्का कपिलवस्तु बाट निर्वाचित सांसद रामु यादवले छिमेकी देशमा सयौं किलोमिटर सडक निर्माण केही दिनमा पुरा हुने तर नेपालमा केही किलोमिटर सडक बन्न पनि बर्षौ लाग्ने कस्तो विडम्बना, बुटवल नारायणगढ सडकको दुराबस्ता बारेमा कुरा उठाउँदै सरकारको भौतिक पूर्वाधार तथा यातायात मन्त्रीको ध्यानाकर्षण गराए ।अर्का सांसद विशाल घिमिरेले बुटवल राजमार्ग चौराहदेखि गोलपार्क सम्मको सडक बर्षाै हुँदा समेत पुरा नहुने कारण बारे सरकारको जवाफ खोजे । यि सबै सुन्य समायमा व्यक्ति गरिएका भनाई हुन । त्यसपछि सभामुख काजल पाण्डेले सरकारको रुलिङ्ग गर्दै जवाफ पेश गर्न आग्रह गरिन् ।

संसदको विषय समयमा पनि मलको समस्या, प्रांगारिक मल उत्पादन, विक्रि र प्रसोधनका कुरा सहित गौशाला व्यवस्थापन सम्मा कुरा संसादले उठाए । विविशा पौडेल, सागर पोखरेल लगायतका संसादले सरकारको विशेष ध्यानाकर्षण समेत गराए ।झट्ट हेर्दा संघीय संसदको झल्को दिनेखालका विषयबस्तु उठान र प्रस्तुतीकरण थिए । यी सबै शनिवार बुटवल–१० कालिका नगरमा रहेको कालिका मानवज्ञान माविका विद्यार्थीहरूले गरेको एउटा नमुना संसदको अभ्यास थिए । जसमा प्रधानमन्त्रीले प्रधानन्त्री पदमा आफूलाई विश्वासको मत माग्ने देखि लिएर विधेयक दर्ता, पारित र कानून निर्माण र प्रमाणीकरण सम्मका अभ्यास दिनभर जसो गरिएको थियो । विद्यार्थीहरूमा नमुना संसाद अभ्यासको बास्तविक ज्ञान प्रदान गर्नको लागि संसादको भ्रमण संगै विद्यालयमा पनि यस्तो अभ्यास गरिएको विद्यालयका शिक्षक युवराज कण्डेलले जानकारी दिए । उनका अनुसार विद्यार्थीहरूले दुई समुहमा सत्ता पक्ष र प्रतिपक्षको रूपमा विभाजन गरी सोही अनुसारका विकास मुद्दा, समसमायिक मुद्दामा समेत अभ्यास गराइएको हो । विद्यालयमा कानून संकायमा अध्ययनरत विद्यार्थीले ‘कालिका संसद’ को अभ्यास गरेका छन् । कानुन विद्यार्थी समाज कालिकाको आयोजनामा नमुना संसद अभ्यास गरिएको हो ।

समाजका अध्यक्ष सन्जोग न्यौपानेका अनुसार विद्यार्थीहरूको पूर्ण सहभागीतामा यस्तो प्रकृतिको अभ्यास गरिएको हो ।
शिक्षा विकास तथा संमन्वय एकाई रूपन्देहीका प्रमुख माधव बन्जाडेले पछिल्लो समयमा कानून विषय सबैको लागि अनिवार्य आवश्यकता जस्तै भएको बताएका थिए । उनले कानून व्यवहारिक विषय समेत भएकोले विद्यार्थीहरूले गरेको नमुना अभ्यास आफैमा गौरवपूर्ण भएको बताए । विद्यालयका प्रधानाध्यापक दिनेश थापाले बोल्दै व्यवहारिक अभ्याससँगै कालिका मानवज्ञान मावि अगाडि बढिरहेको बताउँदै सबैको साझा प्रयासबाट विद्यालयको नतिजा सुधारदेखि लिएर सबै क्षेत्रमा कायपलट गर्न सकिने धाराणा राखेका थिए ।विद्यालयका पूर्व प्रधानाध्यापक तथा बुटवल कालिका क्याम्पसका क्याम्पस प्रमुख घनश्याम पाठकले विद्यार्थीहरूको अभ्यास कला विकासको लागि यी र यस्ता प्रकृतिका कार्यक्रम आवश्यक रहेको बताएका थिए । उनले कानून विषय आफैमा व्यवहारिक रहेको भन्दै यसको महत्व पछिल्लोसमयमा अझ बढ्दै गएको बताएका थिए ।

कार्यक्रममा बुटवल कालिका क्याम्पसका अध्यक्ष तथा कालिका मानवज्ञान माविका पूर्व विद्यालय व्यवस्थापन समिति अध्यक्ष होम बहादुर ज्ञवाली, सहित विद्यालयका सह प्रध्यानाध्यापक पिताम्बर बन्जाडे, व्यवस्थापन संकाय ईन्चार्ज शेरचन्द गिरी, कानून तथा मानविकी संकाय ईन्चार्ज विमल आत्रेय लगायतको सहभागीता थियो । विद्यालयका कानून शिक्षक अधिवक्ता दामोदर घिमिरेको संयोजकत्वमा भएको कार्यक्रममा विद्यार्थीहरूले नमुना अभ्यास अन्तर्गत प्रधानमन्त्रीको चयन, सांसदमा विधेयक दर्ता देखि लिएर पारिगर्ने देखि लिएर संसदको सुन्य र विशेष समयमा समसामयिक विषयमा आ आफ्नो धारणा राखेका थिए । कार्यक्रममा राष्ट्रपतिको भूमिका दिया आचार्य, सभामुखको भूमिका काजल पाण्डे, प्रधानन्त्रीको भूमिका विवस पाण्डे, प्रदेश सभा सचिवको भुमिका सदिक्षा भट्टराई, उप सचिव विन्दु पौडेलले निर्वाह गरेका थिए ।विद्यार्थीहरूले शुन्य समयमा विविध समस्याको विषयमा सरकारको ध्यानाकर्षण गराएका थिए  भने विशेष समयमा समेत समसमायिक विषयमा आ–आफ्नो धाराणा प्रस्तुत गरेका थिए ।