खोज

बुटवल, २१ जेठ । रुपन्देहीका होटल ब्यवसायीलाई फ्रन्ट अफिस ब्यवस्थापन तालिम दिईएको छ । पर्यटन उद्योगका रुपमा रहेका होटल ब्यवसायीहरुलाई क्षमता अभिवृद्धि गर्ने उदेश्यका साथ तालिममा जोड दिईएको हो । ईन्स्योर परियोजना, रुपन्देही उद्योग संघ बुटवलको आर्थिक सहयोग, डाईनामिक टेक्निकल एजुकेशन एण्ड भोकेसनल ट्रेनिङ सेन्टरको प्राविधिक सहयोगमा होटल तथा रेष्टुरेन्ट ब्यवसायी संघले आफना ब्यवसायीहरुलाई १६ दिने निशुल्क फ्रन्ट अफिस ब्यवस्थापन तालिम दिएको हो ।

एक समारोहका बिच तालिममा सहभागीहरुलाई प्रमाणपत्र वितरण गर्दै रुपन्देही उद्योग संघका अध्यक्ष दिलिप सापकोटाले सीप र क्षमता विकासका सिकाई मानव जीवनभर चल्ने प्रक्रिया भएको बताए । ९६ घण्टाको तालिमबाट धेरै सिकाईसंगै एकआपसमा अनुभव साट्ने अवसर भएको भन्द उनले यसलाई आफनो पेशाब्यवसायमा उर्तान सुझाव दिए । ‘ग्राहकलाई स्वागत गर्ने एउटा कला हो ।’—उनले भने । ईन्स्योर परियोजनाको प्रदेशसंग सहकार्य गरेर १२ जिल्लाका उद्योगीहरुलाई लक्षित गरि तालिम दिदै आएको उनले बताए ।

कार्यक्रममा संघका अध्यक्ष लेखनाथ भण्डारीले होटल ब्यवसायमा फ्रन्ट अफिसरको भुमिकाबाटै ग्राहक सेवा लिने वा नलिने निर्णय गर्ने बताए । कोभिड संक्रमण र आर्थिक मन्दीबाट प्रभावित भएको वर्तमान अवस्थामा ब्यवस्थित र चुष्टदुरुष्ट गर्दै ब्यवसाय जोगाउने गरि संस्थागत पहल गरिरहेको उनले बताए । रुपन्देहीका होटल उद्योग र उद्योगीको क्षमता विकासको पाटोमा संस्थागत रुपमा भैरहेको उनले दाबी गरे । होटल ब्यवसाय संवेदनशिल पेशा बन्दै गएको उनले दाबी गर्दै ब्यवसाय बचाउने अभियानमा सबैको साथ जरुरी रहेको बताए । स्थानिय पालिका राजश्व धेरै उठाउने नाममा हताहतमा गरेको केही निर्णयप्रति आपत्ति ब्यक्त गर्दै उनले होर्डिङ बोर्डको सेवाशुल्क उठाउने निर्णय गलत भएको बताए । होटलमा पाच हजार ब्यवसायीहरु रुपन्देही जिल्लामा भएपनि केवल १२ सय संस्थामा आवद्ध रहेको भन्दै सकेसम्म करको दायरा बनाउनुपर्ने सुझाव दिए । आगामी दिनहरुमा बारिष्टा, बारटेन्डर, हाउस किपिङ, किचन ब्यवस्थापनका तालिमहरु दिने उनले प्रतिवद्घता जनाए । यसैगरि पर्यटन विकास परिषदको सहयोगमा साना तथा मझौला होटल ब्यवस्थापन तालिम समेत चलाउने तयारीमा रहेको उनले बताए ।
कार्यक्रममा संघका द्घितिय उपाध्यक्ष प्रेम प्रसाद भट्टराई, महासचिव अर्जुन थापा, सेन्टरका संचालिका सुमित्रा केसी, ईन्स्योरका तालिम संयोजक खिमानन्द रिजाल, सेन्टरका म्यानेजिङ डाईरेक्टर अरुणराज मैनालीले सिकाईको अभियान निरन्तर चल्ने प्रक्रिया भएको बताए । कार्यक्रममा प्रशिक्षार्थी टेकनारायण न्यौपानेले सिकाईको क्रममा फ्रन्ट अफिसबारे धेरै ज्ञान हासिल गरेको बताए । तालिममा २० जना सहभागी रहेका थिए ।

भिडियो सामग्री