खोज

बुटवल, ४ बैशाख ।

२५ वर्ष अघि बुटवलमा स्वास्थ्य सेवा शुरु गरेको सिद्धार्थ बाल तथा महिला अस्पताल आम्दा नेपाल आफनो सेवा बिस्तारलाई जोड दिएको छ । वार्षिक ५० हजार बिरामीको सेवा दिदै आएको अस्पतालले समयसापेक्ष आफनो स्तरवृद्धि थालेको हो । आम्दा ईन्टरनेश्नल जापानको राष्ट्रिय शाखाको रुपमा सन १९८९ मा काठमाण्डौमा गैर सरकारी संस्थाका रुपमा आम्दा नेपाल स्थापना भएको थियो । आम्दा नेपाल अन्तरगत सिद्धार्थ बाल तथा महिला अस्पताल, बुटवल उपमहानगरपालिका, बुटवल उद्योग वाणिज्य संघको त्रिपक्षिय सम्झौतामा बिसं २०५५ साल कार्तिक १६ गते काठमाण्डौ बाहिर बाल तथा महिला मृत्यु दर घटाउन योगदान दिने गरि पहिलो अस्पतालको रुपमा खोलिएको अस्पतालका मेडिकल सुपरिटेन्डेन्ट डाक्टर बिनोद पराजुलीले बताए । नया वर्षसंगै अस्पतालमा थप सेवा बिस्तार र स्तरोन्नती गर्ने योजना थालेको उनले बताए । अस्पताल एक सय सैयालाई स्तरवृद्धि गरि ३ सय सैयामा लैजाने, गुणस्तरीय सेवाका लागि आधुनिक उपकरण जडान, सामान्य चिकित्सा, अर्थोपेडिक सेवा र ईएनटी सेवालाई विभागको रुपमा बिकसित गर्ने, प्रयोगशाला सेवालाई अत्याधुनिक बनाउने, एनआईसियु÷पिआईसियु सेवा बिस्तार गर्ने, हाई केयर युनिट, एमआईसियु, ईन्फटिलिटि सेवा स्थापना गर्ने, आमा सुरक्षा कार्यक्रम लागु गर्ने, महिला पाठेघर क्यान्सर उपचार सेवा बिस्तार गर्ने गरि योजना अघि बढाएको उनले बताए । यसका साथै सामाजिक उत्तरदायित्व अन्तरगत विभिन्न ग्रामिण क्षेत्रमा निशुल्क स्वास्थ्य शिविर संचालन गर्न प्राविधिक सहयोग गर्ने तयारीमा छ ।

बुटवल उपमहानगरपालिकाका नगरप्रमुख खेलराज पाण्डेयले आम्दा अस्पतालको स्तरोन्नतिका लागी निरन्तर साथ दिने बताए । आम्दा अस्पताल नेपालमा पिपिई मोडेलको पहिलो प्रारम्भिक मोडल भएको बताउदै शिक्षा र स्वास्थका बिषयलाई उपमहानगर सधै प्राथमिकतामा राखेर काम गर्दै आएको उनले दाबी गरे ।

साउन १ गतेदेखि आमा सुरक्षा कार्यक्रम सुरुगर्ने गरि काम अगाडी बढाएको

अस्पतालल मंगलबार शुभकामना आदानप्रदान तथा अस्पतालको सेवाबारे जानकारी दिन राखिएको कार्यक्रममा उद्योग बाणिज्य संघ बुटवलका अध्यक्ष एवं आम्दा अस्पताल स्थानिय व्यवस्थापन समितिका उपाध्यक्ष हरि प्रसाद अर्याल, बुटवल उपमहानगरपालिका वडा नम्बर ७ का वडा अध्यक्ष पदमराज गाहा, नेपाल पत्रकार महासंघका उपाध्यक्ष बिश्वास ढकाल, आम्दा अस्पतालका प्रशासक खगेन्द्र क्षेत्री, मेट्रोन सुशिला बिश्वकर्मा, पत्रकार कल्पना तिवारीले अस्पतालको योजना आम नागरिकको सेवामुखी रहेको भन्दै कार्यान्वनमा जोडदिनुपर्ने बताए ।