खोज

बुटवल, १७ फागुन । बुटवलको रमणिय पर्यटकिय स्थल मणिमुकुन्द सेन उद्यान संरक्षण समिति (फुलबारी) मा कुडुले घर निमार्ण गरिने भएको छ । पहाडी क्षेत्रको परम्परागत संस्कृति झल्काउने गरि उद्यानको पश्चिम क्षेत्रमा कुडुले घर निमार्ण गरिने भएको हो ।

बिहिबार एक समारोहका बिच बुटवल उपमहानगरपालिकाका नगरप्रमुख खेलराज पाण्डेयले विधिवत पुजा गरि कुडुले घरको शिलान्यास गर्दै जितगढी, फुलबारी र नुवाकोटलाई एकीकृत विकासको योजना बनाएर अघि बढाएको बताए । अहिलेको प्राथमिकतामा युद्ध संग्राहलय, सेन बंशिय ग्रिष्मकालिन दरबार, जितगढीको संरक्षणलाई अगाडी बढाएको उनले बताए । बुटवलको समग्र पहिचान वडा नं १ र २ मा रहेको भन्दै यहाका पुरातत्विक महत्वका क्षेत्रलाई पुरातत्व विभागसंग समन्वय गरि निमार्णलाई अगाडी बढाउने बताए । जितगढी किनारमा तिनाउ नदीमा सन्ध्याकालिन आरती, जितगढीदेखी नुवाकोटसम्म पैतल मार्गका साथै बाटामा कुडुले घरहरु निमार्ण बन्न सके यहाको पर्यटन क्षेत्रलाई फाईदा मिल्ने उनले बताए । यसगरि फुलबारीमा अक्षरधाम निर्माण गर्ने अवधारणा अर्को महत्वपूर्ण पाटो भएको भन्दै उनले विश्वका धेरै धार्मिक पर्यटक जो मुक्तिनाथ धाम यात्रा गर्छन उनिहरुलाई यहा घुमाउन सकिने सम्भावना रहेको उनले बताए ।

कार्यक्रममा उद्यानका अध्यक्ष माधव नेपालले फुलबारीलाई सौन्दर्यिकरणको कामलाई दीर्घकालिन योजनासहित अघि बढाएको बताए । फुलबारी सेन वंशिय राजाहरुको राज्य गरेको दरबारलाई स्वरुप दिने गरि पुरातत्व विभागसंग समन्वय अघि बढाएको उनले बताए । यसैगरि उत्तर पश्चिममा रिचार्ज पोखरीसंगै स्विमिङ पुल निर्माण गरि गर्मिको मौसममा पर्यटकलाई रमणिय स्थल बनाउन थालिएको उनले बताए । यसैगरि पाकापुस्तालाई लक्षित गरि फुलबारीमा सन्चोबिसन्चो केन्द्र निर्माण हुन थालेको उनले बताए । घरमा समयबिताउन कठिनाई भएका वृद्ध वृद्धाहरुलाई लक्षित गरि भुलाउने स्थलका रुपमा भजनकिर्तन र एकआपसमा सम्बाद गराउने थलो बनाउन लागेको उनले बताए । ‘सबै उमेर र समुहलाई रमणिय थलो बनाउने योजना छ ।’—उनले भने ।

नगरपालिकाबाट १४ लाख रुपैया बजेट बिनियोजन र उद्यानबाट थप गरि १९ लाख रुपैया लागतमा पहिले एउटा घर निर्माण गरिने उद्यानका महासचिव युवराज घिमिरेले बताए ।

यसैगरि फुलबारी परिसरमा रहेको ऐतिहासिक, धार्मिक शिव मन्दिर पुननिमार्ण अन्तिम चरणमा पुगेको मणिमुकुन्द सेन उद्यानका सिईओ अनन्त सिलवाल, सिइओले बताए । विहिबार मन्दिरको औपचारिक पुजाआजा गरि गजुर प्रतिस्थापन समेत गरिएको उनले बताए ।