प्रतियोगिताको तयारी कस्तो छ ?
–२०६४ सालदेखि नियमित रुपमा दशौ संस्करणको प्रतियोगिताको अनुभवको आधारमा यो दोस्रो कर्णेल उजिरसिह शारीरिक सुगठन प्रतियोगिता तयारी अन्तिम चरणमा पुगेको छ ।
खासमा भन्नुपर्दा बुटवलको गौरवको रुपमा जितगढी किल्ला रहेको छ । अंग्रेज सेनालाई पराजित गरेको यो स्थानको सामरिक महत्व छ । यसमा कर्णेल उजिरसिह थापाको बिरता जोडिएको छ । उनैको नामबाट आयोजना हुने यो प्रतियोगिताको ठूलो महत्व रहेको छ । केवल यो प्रतियोगितामात्र नभई यसले जितगढी र उजिरसिह थापालाई चिनाउन मद्दत मिल्ने छ ।
हामीले उजिरसिहका आफन्त कर्णेल नहकुल थापालाइ निम्तो गरेका थियौ तर काम ब्यस्तताले उहाँ नआउने हुनुभएको छ । हामीले बिहान सबै खेलाडीहरुलाई जितगढी किल्लामा लगेर उजिरसिह माविका विद्यार्थीबाट जितगढी र कर्णेल उजिरसिह थापाबारे जानकारी गराउँछौ । प्रतियोगितामा प्रतापकाजी बरिया मुख्य निर्णायक रहने गरी पोखराका २ जना र काठमाडौ २ जना र रुपन्देही ४ जना गरी कुल ८ जना रहने छन । तौल समूहका खेलाडीहरुलाई बढीमास, मसल्स डेफिनेसन, शारीरिक बनावट, प्रस्तुती प्रिपोज सबै आधारमा उत्कृष्ट छानिएका छन् ।
प्रतियोगिता आयोजनाको मुल उद्देश्य के हो ?
–वास्तवमा भन्नुपर्दा यो प्रतियोगिता जिल्लास्तरमा रहेका बडिबिल्डिङका पुरुष खेलाडीहरुलाई प्रोत्साहन गर्ने गरी आयोजना हुँदै आएको छ । अझ कतिपय युवाहरुलाई खेलमार्फत दुब्र्यसनीबाट टाढा लग्ने मात्र नभई ब्यक्तिगत पहिचान गराउन सकिने सम्भावनालाई हामीले प्रमाणित गरेका छौ । यतिमात्र नहुने होईन । हामीले पछिल्लो समय महिलाहरु पनि यसमा निक्कै मेहनत गरेको पायौ । यसैले गर्दा यो पटक हामीले प्रदेशस्तरको महिला फिजिक्सको विधालाई जोडेका छौ । यसले यो खेलमा महिलाहरुलाई पनि थप प्रोत्साहन मिल्ने मानेका छौ । जसमा रुपन्देहीसहित नेपालगञ्ज, घोराही, नवलपरासीका खेलाडीहरु बुटवल आइसकेका छन् । प्रतियोगिता केवल खेलमात्र नभई खेलमार्फत पर्यटन प्रवद्र्धनमा समेत टेवा मिल्ने देखेका छौ । बाहिर जिल्लाहरुबाट आएका खेलाडीहरुले यहाको ठाउँहरु घुम्नेछन् भने यहाँ २ दिनको बसाईमा यहाँको पर्यटनमा आर्थिक लाभ दिने छ ।
प्रतियोगिताको खर्चको ब्यवस्थापन कसरी गर्नुभएको छ ?
–प्रतियोगिताको उपाधि विजेताले नगद ५० हजार रुपैयाँ, ट्रफी, प्रमाणपत्र, विधागत रुपमा ५५, ६०, ६५, ७० र ७० प्लस तौल समूहका विजेताले नगद ५ हजार, ३ हजार र २ हजार रुपैयाँ, पुरुष फिजिक्समा ५, ३ र २ हजार रुपैयाँ, ट्रफि तथा वुमन्स फिजिक्स १०, ८ र ५ हजार रुपैयाँ, ट्रफी पुरस्कृत रहेको छ । यसैगरी ९ औ राष्ट्रिय प्रतियोगिताहरुको पदक विजेता ३ जना विजेन्द्र मान श्रेष्ठ, सुनिल आले र विष्णु निषाद र प्रशिक्षक केशव बहादुर शाक्यलाई समेत सम्मान गरिने छ । यसरी समग्रमा करिब साढे ४ लाख खर्च हुने अनुमान रहेको छ । जसमा स्थानीय पालिकाबाट २ लाख रुपैयाँ तथा संघमा आवद्ध १७ वटा जिम तथा फिटनेश सेन्टर, सहयोगदाताबाट समेत सहयोग मिलेको छ ।
२७ मंसिर २०८२, शनिबार
