खोज

सुर्खेत, ४ फागुन ।

कर्णालीप्रदेशको राजधानी सुर्खेत वीरेन्द्रनगरमा ‘कर्णाली उत्सव’ ‘कुडा कर्नालीका’ पाँचौं संस्करण शनिबारदेखि सुरु हुन लागेको छ । सुर्खेतको वीरेन्द्रनगरस्थित बुलबुले उद्यानमा तीनदिनसम्म उक्त उत्सव संचालन हुन लागेको हो । उत्सवलाई विचारको उत्सवका रुपमा लिइने गरिएको छ । जसमा कर्णालीका विकास निर्माणका कुरादेखि सांस्कृतिक प्रस्तुतिहरु रहने आयोजकले जनाएको छ ।

शनिबार उत्सव सञ्चालन गर्दै आएको ऋति फाउन्डेसनका संयोजक कमललम्सालले उत्सवमा विभिन्न १६ वटा सत्र सञ्चालन गरिने जनाए ।

उनले कार्यक्रममा जोखिम र जुइन्याजुक्ति, कर्णाली धरोहर–मनोहर, लगानीको लगन, कर्णाली दृष्टि, कर्णाली क्याराभान, अपाङ्गता पहुँच र पौरख, हाम्मो काली, हाम्मै कर्नाली, अन्तरजातीय विवाह रहर र कहर, अजर्नी फ्रम न्यू जर्जी टु कर्णाली, लोकतन्त्र दलभित्र– देशभित्र, देश जान्या, समाज र संघर्ष, खस कुडा– खास कुडा सौँराई जिन्नगीको र विकास अन्या, विकास खान्या गरी १६ वटा सत्र रहने जानकारी दिए । जसमा ३ वटा पैकेलो, ४ वटा टिप्पणी र ३ वटा सांगीतिक साँझ राखिएका छन् ।

उत्सवमा कर्णालीका विभिन्न विषयवस्तुमा विषयविज्ञ, जिम्मेवार व्यक्तित्व, जनप्रतिनिधिहरुसँग खुल्ला छलफल, विभिन्न सफलताका कथा (पैकला), संस्कृती झल्काउने कार्यक्रमहरु, कर्णालीका पहिचानलगायतका विषयमा छलफल र प्रदर्शनी हुने आयोजकले जनाएको छ ।

कर्णाली उत्सव फागुन ५, ६ र ७ गतेसम्म सञ्चालनमा रहने छ । सो उत्सवमा यस वर्ष ६३ वक्ता रहनेछन् भने १८ जना सहजकर्ता रहेका छन् । कर्णाली उत्सवलाई सञ्चालन गर्न ५०÷६० लाख खर्च लाग्ने अनुमान गरेको आयोजकले जनाएको छ । उत्सवको अवसरमा शनिवार बिहान साइकल ¥याली हुने जनाइएको छ । उक्तउत्सव उद्घाटन प्रदेश प्रमुख तिलक परियारले गर्ने छन् ।

यस वर्षको उत्सवमा भने अघिल्लो संस्करण भन्दा धेरै पाँचौ संस्करणमा देश विदेशबाट विशिष्ट व्यक्ति, साहित्यकार, लेखक, पत्रकार, कलाकारहरुको उपस्थिति रहने आयोजकले जनाएको छ । पाँचौ संस्करणमा भने विपतको सवाललाई महत्वपूर्ण रुपमा समेटेको लम्सालको भनाई छ ।

कर्णाली उत्सवले कर्णालीको भाषा, साहित्य, संस्कृति र कलामा मात्र सिमित नभएर यहाँको सम्मृद्ध कर्णालीको सार्थक सपनाहरुको बारेमा बहस गर्दै आएको छ ।